Lafaek News— Asosiasaun Jornalista Timor Leste, servisu hamutuk ho OXFAM- Timor Leste, no Matadalan Institutu Alumi Parlamento Foin sa’e inklui grupo movimento local sira iha Ermera hanesan EAMO, FJD no TILOFE, ofisialmente halo lansamentu sentru media diversifikasaun ekonomia liu hosi publikasaun atividade ekonomia joven sira iha setor produtivu.
Prezidente AJTL, Zevonia Vieira hateten AJTL hamutuk ho parseiru sira lansa sentru media ne’e atu hametin servisu advokasia media nian atu promove foin sae sira iiha setor produtivu, no joven sira ne’ebe lian laiha ne’ebe servisu iha area rural no kontribuisaun ba estadu.
“Durante ne’e hala’o servisu iha setor produtivu sira ho nune’e ohin AJTL hamutuk ho nia parseiru sira lansa sentru media ne’ebé liga ho hametin servisu advokasia media nian promove foin sa’e sira iha setor produtivu, AJTL hala’o servisu opsaun ho parseiru sira lori Jornalista sira ba atividade kobertura ba asuntu importante sira ne’ebé fo valor ba joven sira ne’ebé lian laiha maske sira servisu iha area rural kontribui ba estadu,”hateten Presidente AJTL Zevonia Vieira ba Jornalista sira iha Fundasaun Haburas Farol Dili 25/06/2025
Hodi dehan, iha Timor setor produtivo sai fator importante atu bele halakon dependensia ba fundu petroliféru, AJTL kontinua foti papel advokasia servisu hamutuk ho parseira sira ne’ebé durante ne’e hala’o sira nia servisu ne’ebé produtivu tebes oinsá dezenvolve ekonomia rai-laran di’ak liu uza setor produtivo sira.
Diretor Matadala Intitute MDI, Estevanus Coli, haktuir atividade hotu ne’ebe halo maioria diversifikasaun ekonomia no promove joven sira iha abilidade no koñesimentu iha area produsaun.
“Prosesu dezenvolvimentu iha rai-laran iha atividade ne’ebé mak ita halo iha relasaun barak liu mak diversifikasaun ekonomia no promove joven ne’ebé iha ablidade iha produsaun no sira ajuda komunidade sira ne’e bele iha rezilénsia moris intermus ekonomikamente sira iha aihan sufisiente ne’ebé sobrevive iha situasaun difisil,” Coli sublina.
AJTL sei halo media world ba Jornalista sira hodi lori produtu ne’ebe durante ne’e Jornalista sira kobertura iha area rural sira liu-liu ema ho difesiensia no Joven produtivu sira
Jornalista -Domingas Beto/Maria J. de jesus
