Lafaek News–Anin ne’ebé velosidade as iha munisípiu Lautem rezulta ai-tohar hanehan komunidade ida (jornalista RTTL) nia uma hetan estragus total iha munisipiu Lautem.
Akontesimentu ne’e mosu iha hori-kalan 10 kalan (31/01/2022), iha Kuluhun, suku Fuiloro postu administrativu Lospalos, munispiu Lautem, no vítima sira evakua ona ba fatin provizoriu hodi aseguran, maske nune’e akontesimentu refere la rezulta ema ruma mate no hetan kanek.
Anin boot durante loron hira ne’e mak rezulta ai-kulu tohar hodi baku tohar tiha ha’u nia uma iha tuku 10 kalan,ha’u nia uma mós aat inklui komunidade nia dapur rua mós ai baku tohar hotu, dader ha’u fo hatene ona ba diresaun protesaun sívil inklui bombeirus hodi mai tesi sai ai-kulu ne’ebé tohar mai ha’u nia uma inklui mós parte protesaun sivil sira fo ona formulariu mai ha’u hodi prenxe kona ba estragus sira ne’ebé mak ha’u iha,” dehan vítima dezastre naturais,julio Seixas ba lafaek news iha fatin akontesimentu Lautem, tersa (01/02/2022).
Vítima dezastre naturais ne’e nu’udar profisaun jornalista no hala’o nia kna’ar iha instituisaun Radio Televizaun Timor Leste (RTTL)
Observasaun lafaek news iha fatina akontesimentu nota parte bombeirus halo kedan intervensaun hodi tesi ai-kulu ne’ebé tohar hanehan komunidade ne’e nia uma hodi reabilita hikas kondisaun uma atu vitima sira bele hela ho seguru.
Jornalista : CE. Lautem
Editor : Agapito de Deus
