Lafaek News—Akontesimentu ahi han Komunidade Ida Nia Uma Iha Aldeia Lausepu Suku Fuiloru Lospalos, sasan iha uma laran hanesan ropa ho aihan la biban atu salva tanba oan feto mesak ida mak hela uma.
Motivu hosi akontesimentu ne’e, bainhira Jorginho Madeira nia oan feto ida mesak mak hein hela uma, iha oras tuku 03 lokraik, oan feto ne’e sunu lilin hodi reja, hafoin reja hotu haluha hamate lilin derepente lilin mohu han iha hena oratóriu kuartu laran too ahi da’et ba kuartu sorin han sasan iha uma laran salva la biban.
Jorginho Madeira hanesan uma nain informa akontesimentu ne’emosu nia ho labrik nia ama ba assiste hela familia balu mate iha suku Home nune’e husik hela oan feto mesak iha uma, oan feto sunu lilin hodi reja, maibé reja hotu tiha haluha tiha hamate lilin hodi kauza ahi han uma.
“Ami ba hotu asiate familia mate no ha’u nia oan feto babain tuku tolu ne’e nia sempre reja iha oratoriu baibain ne’e nia Reja hotu sempre hamate lilin maibé ohin loron ne’e nia haluha hamate lilin nune’e nia bá toba dukur tia ahi hodi han husi oratoriu hodi han mós sasán sira, sasán ne’ebé estragaus mak hanaran ropa OB ne’ebé ami fan, inklui sasán elektoriku sira ne’ebé ha’u hadia iha kuartu ne’e hanesan tv 6 nen ema nian fo ha’u hadia, dokumentus importante sira ha’u nian no ha’u nia oan sira nian ahi han hotu,” haktuir Jorginho iha fatin akontesimentu domingu foin lalais.
Jorginho haktuir akontesimentu ne’e iha tuku tolu loraik Domingo 17/03/2024 Parte Bomberos too kedas iha fatin akontesimentu konsege hamate ahi.
Iha sorin seluk Komandante Autóridade protesaun Sivil Munisípiu Lautém, Tito da Silva haktuir depois akontesimentu sira nia parte simu informasaun tun kedas iha tereinu hodi fo tulun ba família ne’e no sasán sira ne’e mak hanesan family kids, nune’e sei foti dadaus hodi nune’e bele tulun abitante ne’ebé nia uma hetan estragaus..
Sorin seluk Administrador Postu Administrativu Lospalos, Oldeico Coimbra konfirma, depois akontesimentu nia to kedas iha fatin hodi halo kontaktu ba Autóridades hotu iha munsipiu Lautém hodi bele haree ba família ne’ebé mak hetan dezastre ne’e.
“Grasa Deus ita nia Autóridades sira hanesan bombeiros no protesaun sivil to ona hodi salva ita nia familia ne’e,” katak administrador ne’e.
Entertantu, tuir observasaun Jornalista lafaek news iha terenu haree katak familia ka abitante ne’e iha oan nain tolu provijóriu sira uja kuartu rua ne’ebé ahi la konsege han hodi Deskansa ba ohin kalan hodi hein apoiu emerjénsia tuir mai.
Jornalista : CE. Lautém
Editor : Agapito de Deus
