Lafaek News—Magnifiku Reitor Universidade da Paz (UNPAZ), Adolmando Soares Amaral, hateten “UNPAZ bukan lagi alternatif, tapi UNPAZ adalah pilihan Masyarakat” UNPAZ la’os sai alternative, maibé UNPAZ nu’udar opsaun ba povu Timor Leste,
Adolmando hatun lia hirak ne’e iha salaun UNPAZ foin lalais iha ámbitu serimonia abertura estajiadus professional hamutuk 230 husi fakuldade enjeñaria nian tinan 2023, ne’ebé sei hala’o estajiu iha munisípiu Likisá, Kovalima no Oe-kusse.
“UNPAZ bukan lagi alternatif tapi UNPAZ adalah pilihan masyarakat, bain-bain depois de UNTL fo sai rezultadu maka foin dalaruma ita foin bele hetan rihun ka reihun ida atus rua, ne’e esperensia ne’ebé ita iha, más agora UNTL seidauk fo sai nia rezultadu, ita hetan ona tres mil, ida ne’e hatudu katak UNPAZ la’os ona alternativa iha sosiedade, maibé UNPAZ sai ona opsaun iha sosiedade, tan ne’e hakarak agradese liu-liu ba sosiedade ne’ebé tau nafatin fiar liu-liu ba inan aman sira ne’ebé kontinua halo desizaun hodi investe sira nia oan sira kontinua mai iha UNPAZ no sira ne’ebé mai ita sira iha ne’e, ita hamutuk sai forsa ida ba povu no rai ida ne’e no ita sei fo alternativa no solusaun iha rai ida ne’e,” katak reitor UNPAZ Adolmando Soares Amaral iha serimonia abertura estajiadus professional tinan 2023.
Dekanu fakuldade Enjenaria UNPAZ, Jose Maniquin ko’alia hela ho estudantes estajiadus professional sira ne’ebe atu ba halo estajiu iha munisipiu Kovalima, Likisa no RAEOA. (11/02/2023) imajen LN.
Iha serimonia loke estajiu professional 2023 ne’e, Adolmando alienta, UNPAZ ida agora la hanesan ida uluk, UNPAZ ida agora universidade ida ne’ebé prontu atu hatan ba kualker situasaun husi nia estudante, nia dosente too iha nia estrutura, estrutura UNPAZ loke dalan ba estudantes sira atu hakarak ko’alia saida de’it ho estrutrura dalan nakloke.
“Kualker saida de’it mak sira atu hakarak ko’alia ho ita, ko’alia ho estudante sira halo favor avontade atu ko’alia ho dosente sira atu ko’alia ho estrutura halo favor, tamba ita prontu kualker situasaun ba sira nia prekupasaun saida de’it iha rai ida ne’e, tanba ne’e ha’u enkora nafatin kolega enjeñaria sira, Timor ne’e atu sai diak, Timor ne’e atu sai furak mak presija duni ita boot sira nia kontribuisau, ita boot sira halo netik buat ruma ba muda imajen nasaun ida ne’e hahu iha nasional ba iha munisipiu, no mos too iha suku, karik bele too area rurais area remotas sira, katak, husi ita boot sira nia kontribuisau halo no muda imajen nasaun ida ne’e sai nasaun ida ne’ebé dezenvolvidu iha tinan tuir mai,” katak Reitor UNPAZ ne’e.
Iha biban ne’e, Adolmando enkoraza estudante fakuldade enjeñaria ne’ebé aprende ona siénsia iha responsabilidade moral ba povu no nasaun ida ne’e atu halo netik buat ruma ba nasaun ida ne’e, fakuldade enjeñaria ne’e nu’udar fator determinante ba dezenvolvimentu Timor Leste iha futuru hahú husi agora.
“Nasaun ne’e presija duni ema enjeñaria sira liu-liu arkitetura, indústria, no enjeñaria sivil hodi parte ida ne’e mak ita iha, ita tenke halo buat ruma diak ba povu no rai ida ne’e, ne’e resposabilidade moral ita hotu nian laiha ema ida iha nasaun ne’e dehan nia mesak de’it, iha nasaun ida ne’e responsavel moral ba hotu nian, kontribuisaun ne’ebé ita fo atu lori rai ida ne’e ba oin,
Entrenatu, estudantes estajiadus fakuldade enjeñaria ne’ebé ba hala’o estajiu professional iha baze hamutuk 230, maibé tuir lolos 250, maibé haree ba situasaun rejitus too de’it iha ne’e.
Jornalista : Ronaldo Martins
Editor : Agapito de Deus
