Lafaek News–Administrador postu administrativu Zumalai munisípiu Kovalima, Rui do Santos, husu governu atu harii sentru saúde ida iha suku Mape ho Suku Usukain nia let, tanba dezte Malae-Mutin too agora Timor-Leste ukun aan tinan 20 ona, maibé populaaun suku rua ne’e krize sentru Saude.
Ha’u rekomenda ba ita nia governu atu harii sentru saude ida ba suku rua hanesan suku usukain ho suku mape tanba sira nee iha kedas area rurais susar ba sira atu asesu sentru saude,” dehan Administrador Rui ba Lafaek News iha nia knaar fatin Zumalai Kovalima, Tersa 04/01/2022.
Rui afirma, Sentru saúde iha suku balun harii ona, maibé da-daun nee abandone hela tanba la iha rekursu no material maibe tuir reuniaun katak tinan nee parte saude atu destaka pesoal saude iha postu neebe harii ona iha suku laran nunee komunidade sira bele asesu ho lalais.
Ha’u nia sujestaun hanesan proposta de’it, tanba buat hotu konsentra iha nasionál entaun programa ne’e nasionál ninian,” sublina.
Entretantu tuir dadus ne’ebe Lafaek news asesu total populasaun iha postu administrativu Zumalai hamutuk 17.000 resin ne’ebe kompostu husi suku hitu, Distansia husi suku Mape ho Usukain ba Zumalai kilo-metru 20, no populasaun sira asesu edukasaun mak hanesan ensinu Pre-eskolar iha suku rasik bainhira ba iha ensinu B áziku no too ensinu sekund áriu tenke ba postu administrativu Zumalai Vila.
Jornalista :Orlando Magno
Editor : Agapito de Deus
