Lafaek News—Bainhira loron matan husik an hosi loron, nakukun mosu dadaun falun metin loron nia matan hanesan esperansa ida be mohu bebeik, fuan tuku-tuku hodi sadik kakutak kontinua berani hodi luta kontinua ba moris aban nian atu bele hetan netik vitoria kiik ruma atu bele fo esperansa moris hodi bele kontinua hatutan moris.
Hanesan inan faluk kuda nafatin prinsipiu moris, maske feto faluk maibé iha vizaun dook, hakarak oan mane Fredi tinan 9, Arnaldo tinan 10, sira nain rua tenke eskola hodi hetan futuru ne’ebé naroman ba sira nain rua nia moris.

Tinan barak ona, Ferdi ho Arnaldo ne’ebé idade sei kiik, laiha aman ida nudar huun ba esperansa sira nain rua nian, aman hosi sira nain rua husik hela sira nain rua ho inan faluk Aliansa Borges Marques mesak hodi ba forma uma kain ketak ho feto seluk, hodi husik hela sira nain tolu moris hamutuk ho familia Inan faluk iha aldeia Hornai, suku kotolau postu Laulara munisipiu Aileu.
“Ha’u hela iha ne durante moris husi inan ho Aman hela kedan iga ne’e hau nia aktividade loron loron mak hare animal katuas nian de’it alin nain rua ida eskola la’o labele, tan dook ida la eskola, husi kedas sira nain rua sei kiik, so’e malu ne’e ami rua la iha problema, sira nain rua nia aman agora iha viqueque Bikaren, sai husi uma ne’e dehan ba servisu, la to semana nia nomor mos telefne la tama ona, ikus fali mai rona nia hola feto kiik ona, ne’ebe ami nain tolu hela ho de’it ho ha’u nia familia, Aliansa haktuir ba Lafaek News iha aldeia Hornai suku Kotolau. 30/09/2026
Faluk ne’e haktuir, bainhira rona katak nia kaben kaben ona ho feto seluk, sente laran moras no triste no husu fali-an katak se los mak tau matan ba Ferdi ho Arnaldo ne’ebé sei kiik, idade ne’ebé presiza tebes aman nia tulun, maibé pasiénsia hodi simu realidade moruk ida ne’ebé hatudu hosi nia kaben ba sira nain tolu.
“Ha’u rona ida ne’e ha’u senti triste ami nain tolu hela ho katuas no maun sira de’it, ha’u nia ida, eskola iha Fatuloda maibé dook liu, ha’u lori nia ba hela ho nia inan boot sira, maibé labarik lakohi ses husi ha’u, ha’u labele ba mai haree hela de’it sira nain rua, tauba katuas mesak entaun ha’u senti la diak, ida boot ne’e sae ba klase II mestri muda mai eskola fali aldeia Hornai atu nune’e bele eskola besik,” haktuir faluk ne’e.

Iha vizita hosi jornalista Lafaek News iha inan faluk ne’e nia rezidensia aldeia Hornai, inan faluk ne’e haktuir, presiza tebes tulun hosi governu nune’e bele ajuda nia oan nain rua bele eskola hanesan maluk sira seluk nia oan.
“Ha’u haree sira nain rua la eskola ha’u senti triste, tamba ema hotu nia oan ba eskola, sira rua la ba eskola, tanba ha’u forsa la too, no sira nain rua ninia aman dook husi ami nain tolu tinan sia 9, nunka mai haree no tau matan telefne mos for a de área, ha’u rona nia hola feto seluk, oan mane nain rua ne tinan ida 10 ida 9, nia aman husik hela ami nain tolu sira rua sei kiik hotu, ha’u senti triste tebes ha’u kbiit laiha ha’u laran metin de’it ba ha’u nia aman no maun sira tau matan durante sira husi kiik to’o sira rua boot, sira mak fo han fo hatais fo haris to boot
Iha fatin hanesan, Leão Maria Lobato, hatutan faluk Aliansa Borges Marques, nudar nia feton rasik, no nia rekonese nia feton ho oan nain rua, moris ho susar no terus, tanba labarik nain rua aman husik hela sira nain tolu mesak durante tinan 9 too agora.
“Durante ne’e ha’u hatete ba nia o nia katuas oan ne’e, se ita boot la interese ona ba labarik nain rua ne’e ho ita, ami hakarak de’it hanesan ne’e ha’u nia ferik oan prontu atu foti sai hanesan labarik rua nia aman inan para hadau de’it sira nain rua nia sertidaun ne’e, maibé husi igreja la hatan, tanba karik inan-aman mate ona bele, maibé inan-aman sei moris hela ne’e labele, ami hanesan tau matan hela tuir hanesan ita la servisu, ita loron kalan iha toos de’it. Kee de’it toos kuda aifarina, modo talas hodi sustenta ami hotu nia moris,” Leão Maria Lobato relata.

Entretantu, iha sorin seluk Xefe aldeia Ornai Suku Kotolau, postu administrative Laulara, munisípiu Aileu, Deolinda Moniz, rekoñese mos katak, Aliansa hanesan abitante aldeia Ornai, no nia hanesan feto baluk, nia kaben husik hela ba hola feto seluk, husik hela faluk ho oan kiak nain rua moris susar, nudár autoridade rekoila ona dadus hodi submete ba xefe suku nune’e bele integra iha lista vunerável nian atu ba future governu buka solusaun liu-liu labarik nain rua bele asesu ba eskola.
“Mana Aliansa nian tuir ha’u nia haree nia feto faluk duni, nia katuas oan husik hela nia ho labarik rua ne’e, nia ba hola tiha feto kiik, durante ne’e abandona hela nia ho labarik nain rua, iha kedan ha’u nia mandatu mai ne’e ha’u foti tiha ona dadus fixa familia nian, maibé uluk sira laiha fixa uma kain, tanba nia laen la preukupa, husik hela sira nain tolu mesak, ita sei esforsu nafatin oinsá bele buka solusaun,” xefe aldeia ne’e promete.
Xefe aldeia ne’e husu ba governu atu tau matan urjensia ba faluk Aliansa ho oan nain rua hela ho família, hetok at liu labarik nain rua too agora la eskola, tanba dokumentu hanesan sertidaun RDTL seidauk iha, tanba problema sira nia nain rua aman hola tiha feto seluk, no la tau matan ba sira too agora.
Jornalista : Lino Sarmento


