Lafaek News—Lautem, 21 Setembru 2026. Centro Nasional Chega!I.P hamutuk ministériu akompaña Primeiru Ministru, Kay Rala Xanana Gusmão, ne’ebe iha tempu rejistensia nudár komandante Em Xefe das FALINTIL hodi vizita hikas fatin istóriku Mehara munisípiu Lautém.
Diretór Ezekutivu Centro Nacional Chega!I.P, Hugo Maria Fernandes hamutuk ho Ministeriu sira akompaña Primeiru Ministru, Kay Rala Xanana Gusmão nu’udar Eis Komandante Em Xefe das FALINTIL hala’o vizita ba iha fatin istóriku Paicao, Aldeia Mehara, suku Muapitene – Lautem nu’udar fatin subar.
Iha vizita ne’e, Kay Rala Xanana Gusmão konta hikas memoria no istória sira antes hasoru malu ho Dom. Martinho Lopes hodi ko’alia kona-ba asuntu estratéjiku no polítika ideolójika funu nian.
Iha sesaun konta istória ne’e veteranu hirak ne’bé uluk akompaña Komandante Em Xefe mos halo esplikasaun kona-ba situasaun ne’ebé mak sira hasoru hamutuk ho Komandante Em Xefe durante luta iha área sira munisípiu Lautem nian.
Entretantu, atividade vizita ne’e hala’o iha ámbitu seremonia Inagurasaun monumentu Dom. Martinho Lopes ne’ebé hala’o iha loron 22 Setembru 2026, iha Mehara, Lautem. (Media Chega!).
