Lafaek News—Populasaun iha aldeia tolu kompustu hosi aldeia Maleria, Numululi no Fatukade suku Maulau postu administrative Maubisse, dezde ukun-an iha 2002 too ohhodiin loron seidauk asesu eletrisdade.
Preukupasaun ne’e hato’o hosi reprezente xefe aldeia Numululi Oscar da Costa Somões ba lafaek news iha aldeia Numululi semana ne’e katak, populsaun sita sosa rasik solar panel ho batria atu bele halakon naroman iha tempu kalan, iha tempu udan uma kain balun tenke nakukun tanba solar panel presiza loron hodi karega batria.
“Ami aldeia tolu Mak aldeia maleria Numululi fatukade no komunidade aldeia Lakamalikau Aldeia Usululi aldeia Fatulete hamutuk ami aldeia tolu nunka asesu ba eletrisidade,” Oscar ba Lafaek News iha Maulau Maubisse, 06/08/2026.
Oscar salient, nudar autoridade lokal relata hela de’it prekupasaun komunidade nian ba ukun nain sira maibé too agora seidauk iha resposta di’ak ruma, hutoridade aldeia ho suku kria bebeik enkontru hodi hato’o pedido ba governu atu instala liu-liu eletrisidade, tanba ukun-an tinan 24 ona komunidade Numululi nafatin hela iha nakukun laran.
Nia haktuir Komunidade sira prekupa liu mak eletrisidade, atu fo naroman nune’e oan estudante sira bele estuda ho di’ak atu bele matenek, komunidade sira uza solar panel de’it maibe depende ba loron karik iha tempu loron manas entau kalan solar panel lakan di’ak, maibé iha tempu loron matan ladun sai solar panel lai karega ho diak .
“Iha Tempu loron mak loron matan sai entau iha tempu kalan ami nia oan sira uza solar panel hodi estuda, maibé iha tempu udan loron matan la sai entau iha tempu kalan solar panel la lakan komunidade Sira tenki sosa batrea (aki) ho folin 20dolar hodi liga ba uza iha tempu kalan, maibé uza durasaun too fulan tolu ka hat de’it tenki sosa fali foun hodi uza.
Iha tinan 2015 kompania sira hari’i ona rin-eletrisidade no tau hela fiu, maibé too agora eletrisidade seidauk lakan too sasan sira estragu total fiu mos lakon hotu ona.
“Ai-rin eletrisidade no fiu oferese ona maibe too agora eletrisidade seidauk lakan no too agora ami konsidera kompania deskonesidu, tanba ami autoridade la bele tau matan, se ami tau matan komunidade sira dehan ami autoridade ho kompania mak servisu hamutuk, tan ne’e too agora nain kompania mos seidauk mai fo autorizasaun ba autoridade lokal sira lori mai so’e de’it hanesan ne’e husi 2015 too agora.
Entretantu iha aldeia Numululi suku Maulau posto administrativu Munisipiu Ainaro Uma kain 115 no total populasaun 542.
Jornalista : Moises Guterres
