Lafaek News—World Vision (WV) Nova-Zelandia hamutuk ho World Vision Timor Leste, vizita ofisial ba Kooperativa Solidariedade Covalima (SOLCOV) hodi rona progressu no dezafiu perante atividade kooperativa nian.
Tuir Jerente world vision Covalima João Moniz, objetivu prinsipál hosi vizita ne’e, atu hatene’e kle’an implementasaun atividade ne’ebe World Vision oferese ona ba kooperativa refere durante Tinan ida ninia-laran.
“Vizita ne’e hodi rona progressu no dezafiu Sira ne’ebe grupu Sira ne’e hasoru, Ami Mo’s hakarak hatene Sira nia mehi ba futuru saida ida ne’e mak world vision Nova-Zelandia hakarak atu mai hatene’e,” Nia dehan, iha suku Matai, Segunda (18/05).
Husu kona-ba apoiu saida de’it mak world vision fo ba Kooperativa SOLCOV, João esplika, apoiu ne’ebe world vision fo liu hosi projetu Brass mak fasilita formasaun finanseiru, liga ba administrativa finanseiru World Vision, apoiu livru sira no kaixa rai osan.
“Hasa’e kapasidade ba iha sistema finanseiru nian, ne’e ita servisu hamutuk ho sekoop munisipiu fasilita treinamentu ba Iha strutura sira ne’e, world vision mos iha kooperasaun diak ho administrator postu no autoridade lokal hodi haree grupu sira ne’e,” Nia esplika.
Hanesan Jerente world vision iha cova lima, Joao espera Kooperativa ne’ee bele la’o di’ak no hamri’ik mesak iha futuru.
Iha Fatin hane’esan, Fundadora Kooperativa SOLCOV iha suku Matai, Roza Duarte agradese no sente kontente, tanba hetan vizita hosi world vision Nova-Zelandia no World Vision Timor Leste.
Roza hateten, durante ne’e WV Suporta Kooperativa ho masimu tebes, iha Kooperativa ne’e la’os de’it iai no impresta osan, maibé feto balun envolve iha agrikultura no feto balun halo mos atividade prosesu aihan lokal ba aihan modernu.
Nune’e nia hatutan, liga ba feto iha agrikultura WV fasilita material, nune’e Mo’s Iha prosesu aihan lokal ba aihan modernu WV Suporta mos material hodi produs aihan sira ne’e.
“Iha Kooperativa ne’e ami maioria feto, uluk ami hatene de’it mak rai no impresta osan, mais world vision loke ami nia kune’esementu entaun ami alarga Tan hodi envolve iha agrukutura no produs aihan, ami halo tiha ami faan no osan ne’e ami rai iha kooperativa,” nia dehan.
Kooperativa SOLCOV Mai ho total membru hamutuk 194 maioria feto.
Jornalista: Veni Oliveira
