Lafaek News—Koordenadora Grupu Feto Kooperativa Suku Matai Dulce Constantina Amaral, hateten Partisipasaun feto atu kandidatu-an iha Xefe Suku Matai postu administrative Suai munisípiu Covalima, minimu tebes, tanba kestaun kultura no sosiadade.
Dulce hatun lia-hirak ne’e, bazeia ba realidade durante eleisaun suku tu-tuir malu ne’e, foin iha feto ida de’it kandidata-Aan, maibé la konsege eleitu.
“Iha tinan kotuk liu ba Iha 2023 elisaun suku ne’e Ami nian feto nain ida mak kandidata-Aan ba Xefe suku maibé la liu”, nia dehan, iha suku Matai, Segunda (5/18).
Tan ne’e, nia dehan ba oin feto suku Matai persiza tebes formasaun lideransa, hodi feto Matai sira fiar Aan hodi Avansa kandidata sira ninia Aan iha eleisaun xefe suku nian.
“Formasaun lideransa ne ami presiza tebes, Liu liu formasaun ba Ami Nia Feto pontensial sira iha suku laran” nia hatutan.
Iha parte seluk, hatan ba kestaun ne’e, Administrator postu Maucatar Laurentino de Jesus, hateten, kona-ba formasaun ba Feto potensiál sai hanesan programa prioridade ne’ebé sei realiza.
“Tanba agora tempu demokrasia feto sira mós Iha direitu atu eleitu ba Xefe suku, maibé tenke kapasita Aan” nia hateten.
Jornalista : Veni Oliveira.
