Lafaek News—Konselleru Másimu Partidu Kmanek Haburas Unidade Nasional Timor-Oan, José dos Santos Naimori Bucar, hatoo nia promesa iha serimonia reajustramentu estrutura partidu ne’e iha Vikeke, bainhira fila ba ukun sei fo subsídiu ba uma kain ida hetan dolar 41 kada fulan lia nain hein uma lisan fulan ida hetan dolar 300.
“Ha’u hakarak ema hein uma lisan kada fulan tenke manan osan 300, tanba sira mak hein ita nia lulik nune’e promove uma lisan sai hanesan turizmu lokál,” Naimori hateten asuntu nee iha ámbitu reajustamentu estrutura KHUNTO munisípiu Vikeke iha semana ne’e.
Nia dehan, fo osan b alia-nain sira atu sir abele proteze no dezenvolve uma lisan ne’e sai furak nune’e bele atria ema hosi nasaun seluk bele ba vizita lulik hirak ne’ebé rai iha uma lisan hirak ne’e.
“Ema mai vizita karik ema bele dehan lulik, ha’u karakarak xefe familia ida fulan ida menan 41$ tinan ida tenke hetan 500$, osan foti mina nian, tanba sa mak foti fo emprezariu halo projetu bele foti fó povu tanba sa labele, fo netik osan mina nian ne’e ba sira atu sira bele halo dezevvolvimentu ba sira nia an rasik,”
Iha fatin hanesan, Prezidente Partidu KHUNTO Armanda Berta Dos Santos, mos salienta tan katak karik iha 2027-2028 povu fó fiar ba Khunto fila kaer ukun, sei hasa’e subsídiu 200 $ ba 500$ kada tinan ba uma kain ida idak
“Iha 2027 -2028 se karik povu fó fiar nafatin ba Khunto hodi servi, tinan ida la’os ona 200 $, sei sa’e ba 500, kada uma kain ida, tinan ida dala ida hodi festesza fim de Ano nian, la’os tinan-tinan ita husu votus de’it, maibe ita tenke tau matan mos ba ita emar sira, maibé hau fiar katak ita hotu servisu, maluk ne’ebe foin simu posse, ho kbi’it ita boot sira nian sei aumenta votus iha 2027-2028 atu nune’e realiza mehi hirak ne’e,” Berta sublina.
Koordenador munisipiu Vikeke José Celestino, konvida estrutura husi munisipiu too aldeia atu servisu makas hodi garante vitoria ba Partidu KHUNTO iha eleisaun jeral 2028.
“Objetivu husi reajustamentu ida ne’e nafatin fo garantia estrutura iha baze too nasional valoriza prinsípiu partidu Khunto nian, Tane o Emar, Tane O Rain no Tane o Lisan, atu kontinua konsolida unidade nasional hodi hasoru eleisaun tuir mai,” José rekomenda.
Observasaun Lafaek News nota iha serimonia simu posse ne’e, atribui direta hosi prezidente partidu KHUNTO no Konselleru Másimu partidu KHUNTO José dos Santos Naimori, no hetan mos partisipasaun másimu hosi militantes no simpatizantes partidu nian iha munisípiu Vikeke.
Jornalista : Mateus F. de Deus
