Lafaek News—Sekretariu  Estado Komunikasaun Social, Expedito Dias Ximenes, tersa (22/07/2025), okazionalmente hakat ba Centru Convensaun Dili (CCD) hodi haree servisu media nasional sira ne’ebé hamahan-an iha media center ho vontade-as hodi halo transmisaun direta ba XII jogus CPLP ba mundu internasional, tanba ba dahuluk Timor Leste nudar komisaun organizadora marka istoria iha eventu jogus desportuivus luzofonu.

Iha konferénsia imprensa hatoo hosi membru governu ne’e katak, nia parte apresia tebes jornalista no media nain sira ho esforsu servisu hamutuk ho RTTL hodi hala’o transmisaun direta perante jogu internasional ne’e.

“imi nia kontrobuiasaun hatudu duni ba mundu katak Timor-Leste nasaun ne’ebe prontu halo atividade oioin inklui atividade desportivu nian ne’ebe b aba mundu,  lori IX governu konstituisisaun nia naran lori mos SEKOMS nia naran agradese ba responsavel media nain sira ba media konvensional no media plataforma digital online, sira tamba ho media nia kontribuisaun hatudu duni sira nia papel importante papel rekursu papel determinante ba iha promosaun Timor-Leste ba iha mundu,” Expedito Dias Ximenes ba jornalista sira iha CDD tersa semana ne’e.

Iha fatin hanesna, Feliz Lato nudar tékniku RTTL. EP hateten ho jogo CPLP governu hili ona RTTL sai hanesan host ba eventu refere no RTTL mos la taka dalan ba ema hotu atu asesu eventu refere.

“Durante ne’e governo rasik mak hili RTTL sai hanesan host ba eventu liga CPLP ida nee, ita la nega katak RTL mos hahú nia esforsu kedas husi inísiu too agora fo output diak ba media hotu, RTTL mos la taka dalan ba media hotu asesu, link laiha logo ba media hotu atu transmite ba ema hotu, tanba RTTL mesak labele halo buat hotu hotu,” Felix argumenta.

Ikus liu, Sekretaria Estadu ba Komunikasaun Sosial Expedito Dias Ximenes hatoo nia apresiasaun boot ba RTTL no media nasional tomak ne’ebé promove ona Timor Leste nia naran ba mundu internasional liu hosi XII jogus CPLP iha Timor Leste.

Ekipa : Lafaek News