Lafaek News—Sarani parokia Nossa Senhora do Carmo Letefoho munisipiu Ermera laran triste hafoin simu novidade iha oras haleu tuku 07: liu minutu 5, sarani tomak hosi munisípiu orijen Pe. Domingos Maubere nian sente lakon tan bibi-atan di’ak ida iha sira nia leet inklui Kreda Katolika Timor Leste.
Padre Domingos Soares “Maubere” Amu DU, hakotu iha Hospital Nasional Guido Valadares (HNGV), iha ámbitu tratamentu ba ninia saúde, maibé labele salva aman maromak rasik mak bolu nia hodi ba hamutuk iha maromak nia kadunan santu iha lalehan.
Amu Maubere hala’o prosesu tratamentu iha Hospital Nasional Guido Valadares Dili Timor Leste, perante loron 8, hosi ne’e baixa loron tolu iha sala VIP no loron 5 kontinua baixa iha sala ICU, hosi loron 08 fulan Maiu 2025, no hakotu iis iha loron 16/052025, ho razaun sofre moras kumplikadu.
Padre Domingos Maubere hanesan mos luta nain id aba iha prosesu libertasaun nasional iha tinan naruk nia laran, tan ne’e nia mate isin sei lori hosi mortuariu ba nia moris fatin postu Administrativu Letefoho munisipiu Ermera hafoin tranzlada hikas mai Dili hosi hala’o prosesu misa funebre nian ba saudozu Pe. Domingos Maubere iha simiteriu Seminariu Ailok-laran.
Jornalista : Ezequiel da Silva
