Lafaek News—Diretór ezekutivu Asosiasaun Halibur Defisiensia Matan Timor-Leste (AHDMTL), Gabriel Ponciano de Sousa relata AHDMTL submete ona ema defisiénsia hamutuk 65 asesu ba eskola públiku no nain 9 hala’o estudu iha Universidade da Paz, UNTL no Cristal
Asuntu ne’e hatoo hosi Diretór Ezekutivu AHDMTL, katak Asosiasaun Halibur Defisiensia Matan Timor Leste, iha tinan 2018 too tinan 2024 fasilita ema ho difisiensia matan nain 65 Assesu ba Eskola Públiku no hosi ema nain 65 ne’e, nain tolu Seluk kompostu husi feto rua 2 ho Mane nain 1 konsege finaliza sira nia estudo iha Nivel Universitariu no balun seluk labele atu kontinua ho razaun subsídiu ne’ebé sira hetan la sufisiente ba sira nia nesesidades.
“Iha tinan 2018 AHDMTL haruka ona ema difisiensia hamutuk 65 asesu ba edukasaun iha nivel públiku no ema nain 65 ne’e balun remata de’it iha sekundária no balun kontunua asesu ba Ensinu superior tanba hetan apoiu hisu AHDMTL no balun la Konsege kontinua ho razaun subsidio ne’ebé sira hetan la suficiente hodi hatan ba sira nia nesesidades lor-loron tanba balun hela iha kos no labele kontinua eskola,” Gabriel Ponciano de Sousa ba Lafaek News iha nia kna’ar fatin AHDMTL Manleuana Dili, 25/02/2025
Gabriel reafirma atu kontinua asesu ba nivel ensinu superior depende mos ba vontade no esforsu husi estudante idak-idak tanba, iha balun ne’ebe ho idade avansado no para de’it iha nivel sekundariu, maibé AHDMTL nafatin fasilita sira hodi investe sira nia kontribuisaun servisu voluntáriu iha AHDMTL rasik.
Tuir nia, iha tinan 2025 estudante ne’ebe kontinua eskola ba nivel universitariu nain 3 konsege finaliza sira nia estudu no nain 9 seluk sei kontinua hela sira nia prosesu aprendezajen iha banku universitáriu.
“ Dalaruma sira nia idade ne’ebé avansado laiha vontade atu kontinua ba nivel Ensinu superior ezemplu iha tinan 2024 barak mak remata iha sekundária publiku nee 14 pessoas na realidade iha 2025 atu kontinua nee uitoan deit la too nain sanulu resin ha’at 14 maibé fila ba vontade sira nian atu kontinua estudu sira ne’ebé apoio husi AHDMTL nee iha kontratu ho organizasaun AHMDTL organizaun investe sira ba Eskola no tenke Ser Contribui ba organizaun refere,” nia sublina.
Iha tempu hanesan Julio da Costa Fernandes nudar Kordenador Programa Edukasaun Trata Asunto Formasaun iha AHDMTL, konfesa estudante ne’ebe asesu ba eskola públiku hanesan pre-Sekundáriu, Sekundáriu to’o nivel universitariu hamutuk ema nain 46 kompostu husi ensinu rekorente nain 9, ensinu sekundariu nain 17, no ensinu Superior nain 20.
“ Iha Ensinu sekundáriu, pre-sekundáriu, ensinu rekorente to iha nivel universitáriu total ema nain 46, iha ensinu rekorente hamutuk nain 9 kompostu husi feto 8 mane 1, iha ensinu sekundária total ema nain 17, kompostu husi feto 9 mane 8 no ensinu superior total ema nain 20, kompstu husi feto 9 mane 11 no total ma ema nain, 46 mak assesu ona edukasaun formal hahú husi ensinu superior to ensinu rekorente iha ensinu superior,” Julio afirma.
Julio da Costa Fernandes reforsa, estudante ne’ebe konsege kontinua ba nivel ensinu superior oras ne’e da-daun balun hala’o hela sira nia estudu iha UNTL, UNPAZ no Institutu Superior Cristal.
Sorin seluk Organizasaun AHDMTL fasilita mos formador ba letra brile liu husi rona no hakerek ba estudante hirak ne’ebé hola parte iha formasaun letra Brille iha prosesu aprendizazen no iha estudante hirak ne’e nain 6 mak assesu ona ba ensinu superior iha tinan 2025 .
Jornalista : Domingas Sequera Beto
Editor : Agapito De Deus
