Lafaek News—Eis Primeiru Ministru Oitavu Governu Konstitusional, Jenerál Taur Matan Ruak, fo sujestaun ba IX governu konstitusional ne’ebé lidera husi Kay Rala Xanana Gusmão, atu uza konseitu hadia sidade Dili ho progresivu atu nune’e povu kiik sira labele lakon rendimentu no lakon esperansa ba futuru nian.
Taur Matan Ruak, hatoo asuntu ne’e liu husi konferénsia imprensa ba jornalista sira iha nia rezidénsia Farol Dili, 29/01/2025, katak nia parte prefere uza konseitu hadia sidade Dili ho progresivu atu hadia kondisaun uluk molok hasa’e povu kiik.
“Ita iha dalan rua para halo dezenvolvimentu sidade Dili, ida progresivu, signifika neneik hodi prepara uluk kondisoens, hodi avansa, ida seluk radikal, iha ha’u nia tempu ha’u hili ida ne’e progresivu, tanba saida mak sobu, na realidade ne’e faktu ida, faktu ne’e vale liu ho lia fuan rihun opsaun governu nian mak saida, tanba se ita hare didi’ak papel governu nian mak jere nia risku sira ne’ebe afeita nia sidadaun sira,” Eis Primeiru Ministru Taur matan Ruak hateten.
Eis Prezidente Repúblika ne’e haktuir, intensaun husi konseitu dezenvolvimentu mak atu hadia la’os atu sobu populasaun kiik sira, signifika kria uluk kondisaun hafoin bele muda povu kiik iha fatin dignu.
“La’os ida de’it se, Ita haree didi’ak no haree oinsa mak SEATOU hasoru populasaun sira iha fatin-fatin ne’e, kuaze Dili ne’e husi Manleuana, ba too Becusse, mota ninin, Tasi-Tolu, Hera, Bidau, Becora, mais afinal dezenvolvimentu ne’e sobu mai fali ita haree de’t mais ita ko’alia ema la rona ne’ebe vítima mak populasaun sira ne’e afetado dezde, ita harii ita nia konstituisaun sempre husu tratamentu ba sidadaun sira justu, tanba ne’e governu hetan krítika, tanba ida ne’e halo terus ema barak, maibe ida ne’e sai referensia bo’ot ida ba oinsá demokrásia Liberdade direitu justisa, no oinsá demokrasia liberdade direitu justisa iha ita nia rai, dalaruma nonok ne’e dehan ema simu mais la’e, barak mak la simu, mais sira hili dalan hodi nonok hodi haree dalan ne’e to iha ne’ebe tuir ha’u nia hanoin laiha nesesidade, maibe ita halo tanba tinan barak ita la halo,” dehan Taur Matan Ruak.
Nia dehan dezenvolvimentu iha nasaun ida tenke la’o ba oin, maibé tenke harii uluk kondisaun, prepara fatin dignu ba komunidade kiik sira, liu-liu negosiante sira atu nune’e sira labele lakon rendimentu loro-loron.
“Porsentu 80 Timor ne’e foho, se governu dudu foho, ne’e signifika rai teteuk lha atu ema hela ne’e natar sira ne’e ita halo hotu uma, dalaruma uza agrumentu lalos, indenpedente razaun saida mak governu ne’e iha ne’e lalos, tanba hanesan ohin ha’u dehan afeta populasaun sira nia investimentu afeta sira nia rendimentu lorloron no sira nia futuru, uluk oitavu governu mak halo lei tanba ne’e agora sira halo eviksaun aplikasaun lei ne’e nia ligasaun ho modelu dezenvolvinentu, ami mak halo lei ami nia planu ba Dili momentu ne’eba ne’e la hanesan ida agora ne’e,”TMR sublina.
Jornalista :Maria José/Moises Guterres
Editor : Agapito de Deus
