Lafaek News—Cruz Vermelha Timor Leste hamutuk CRESENTE Vermelha, kuarta (08/05/2024), selebra loron fundador Cruz Vermlha Henry Dunant ba ezisténsia Cruz Vermelha ba dala 161 iha mundu internasional.
Prezidente CVTL, Madalena Hanjam afirma, selebrasaun ne’e kada tinan Cruz Vermelha iha mundo tomak selebra loron 08 de Maio, kona-ba ezisténsia Cruz Vermelha dala 161, hahú husi nia ema históriku ida ho naran Henry Dunat, tan ne’e loron ida ohin sai hanesan loron especial ba iha Cruz Vermelha iha mundu.
“Importante teb-tebes loron ida ohin Cruz Vermelha iha mundo tomak selebra nia loron ba iha 161 anos existencia cruz vermelha nian, hahu husi nia ema historiku ida hari husi ema riku ida ho naran Henry Dunat , ne’e duni tinan-tinan selebra nafatin nia loron moris ho actividade oin oin,neduni nia tema ida mak dehan Khipihng Hamanity Alife ne’e significa katak ita manteim ema ne’e nia moris (por toda a vida),hahu husi nia konsertasaun to’o nia remata nia vida, kualker vida importante ho aktividade cruz vermelha nian mak ita halao tenke respeita internacional humanitaria atu respeita ema nia vida qualquer iha situasaun konflito ho situasan ne’ebe que normal ita mantein atu suporta ema nia vida,” Madalena Hanjam sublina.
Hanjam argumenta, iha selebrasaun ne’e iha atividade doasaun ran no halo promosaun ba jestaun dezastre no dada be ba iha komunidade no mos fo treinamentu primeiro sekulu ba joven sira e halo mos atividade sira seluk ba agrikultura.
“Iha selebrasaun ida ne’e ho nia tema ida ne’e iha Timor-leste ita halo atividade ida primeiro liu mak doasaun ran e doasaun ran ne’e ita husu para cruz vermelha halo nia movimento atu oinsá mak mobelisa ema ne’ebe mak forte saudavel atu bele fo doasaun ran atu entrega ba iha Ospitál sira, Ospitál ne’ebé Nasional Dili nian no Ospitál munisipio atu manten balansu stok ran nian iha nia fatin para atu bele komunidade sira ne’ebé persiza ran tenki iha fatin , alende actividade ida ne’e kontinua halo promosaun ba iha jestaun dezastre, ida ne’e ita hala’o hela ba tanba mudansa klimátika ema hotu-hotu bele sai vítima ba iha dezastre, Be’e sae, rai monu, tenke tau iha prevensau, mos kuandu nia monu ona ba iha situasaun difisil dentru de 42 horas CVTL nia voluntáriu sira fo kedas ona apoio atu nune’e kominidade sira bele hetan apoio lalais,” nia hateten .
Nia hateten mantein nafatin vida saudavel moris di’ak to remata, ida ne’e dadaun CVTL hala’o doasaun ran atu bele ajuda iha ospitál ba moras ne’ebe presiza ran urjente.
‘’Ran ne’e tenki tuir nia prosesu ne’ebe halibur ran prosesu ne’ebe ke rai e depois atu be’ele fo lais, polítika longu prazu ba CVTL nian ami tenta atu rai ran iha CVTL rasik agora ida ne’e se iha hela prosesu atu ami bele elabora ida ne’e, entantu polítika ministériu saúde tenke forte oinsá iha profesionais sira no espesialista sira atu hasai ran ne’e rasik ekipamentus ne’ebe uza atu hasai ran e iha mos armário ou laboratorio atu bele deteta ran saudavel ka lae,” nia akresenta.
Lider CVTL ne’e mos husu voluntárius hamutuk atus rua resin servisu tuir voluntarizmu no tuir prinsipiu nafatin no fo suporta ba povu iha baze.
‘’Husu ba voluntario sira ami nia pessoais hamutuk iha ne’e mak servisu iha CVTL hamutuk atus rua resin voluntáriu mak rihun rua resin nune’e mos liga ho komunidade iha area remotas, atu mantein ita nia servisu tuir voluntarizmu tuir prinsipio kontinua nafatin suporta ita nia komunidade hot-hotu,” dehan Prezidente CVTL.
Estajiada : Maria J. de Jesus /Jonaida M. Cortereal
Editor : Lafaek News
