Lafaek News—Prezidente Parlamentu Nasionál, Maria Fernanda Lay, reuniaun ho Prezidente Repúblika José Ramos-Horta aborda kona-bá viajen ba Abudabi, Emiradus Árabes Unidus Iha semana ne’e, hodi asina ofisialmente Timor-Leste adere ba Organizasaun Mundiál Komérsiu-OMK.
“Ha’u mai Hmhala’o enkontru ho Prezidente Repúblika José Ramos-Horta atu koalia kona-bá atu ba Abudabi, World Trade Organization Mai konsulta hodi fahe serbisu Prezidente ba konvite mai Parlamentu no saída mak ami halo iha Parlamentu ne’ebá,” dehan Fernanda Lay, iha Palasiu Prezidensial Bairo-Pité Díli, tersa (20/02/2024).
Lider orgaun lezislativa ne’e garante, Xefe Estadu sei pre-briefing, antes delegasaun husi PN aranka husi Díli iha loron 22 iha fulan Fevereiru ne’e.
“Papél saída mak ami halo iha ne’ebá, ami hakarak hatene komisaun organizadora ne’ebe maii husi MKAE sei fó brefing ami, e fó brefing antes últimu husi Timor,” hateten PPN.
Rekorda katak, preparasaun Timor-Leste atu adere ba OMK, lori tempu naruk, dezde Governu Konstitusional Da-Ualu, lideradu Taur Matan Ruak, nune’e mós kontinua fali husi Governu Konstitusional Da-Sia, ne’ebé lideradu Kay Rala Xanana, halo diskusaun ba lejislasaun sira, prepara rekursu umanu, infra-estrutura no seluk tan.
Jornalista : Epifania I. Pinto
Editór : Agapito de Deus
