Lafaek News—Professores kontradus, kinta (19/01/2024), lansa tan konferénsia imprensa hodi hakilar ba Ministériu Edukasaun ho Sekretariu Estadu Ensinu Sekundáriu no Tékniku Vokasional atu tetu didi’k desizaun molok hapara profesores kontradus sira ne’ebé durante hanorin hela povu aileba nia oan.
Asuntu ne’e, hatoo husi portavós prefossores kontratadus, Agostinho Pinto, ba jornalista sira liu husi konferénsia imprensa, kinta (18/01/2024) iha Jardin 5 de Maiu Dili hodi kontinua ezije ba governu liu husi ministériu edukasaun hodi buka solusaun ba sira nia problema.
“Ministra edukasaun no sekretáriu estadu ensinu sekundáriu jerál no tékniku vokasional ne’ebé foti desizaun la haree ba vantanjen no desvantajen bainhira hapara ami professores kontratadu sira entaun ninia implikasaun mak públiku bele haree ohin loron eskola balun taka ona, tanba laiha professores no eskola barak menus Professores, maibé exelénsia nain rua uza de’it arogánsia hakarak hapara Professores kontratadu tinan 2023 nian la konsidera ami professores sira nia sakrífisiu no dedikasaun servisu Voluntariu,” Agostinho Pinto afirma.
Portavós ne’e afirma katak, Ministra Edukasaun No Sekretáriu Estadu Asuntu Ensinu Sekundaria Jerál no Tékniku Vokasional nia atitude la hatudu vontade nu’udar governante ne’ebé hetan komfiansa husi Primeiru Ministru hodi tau interese nasionál la liu interese privadu, maibé hakarak kria de’it problema no halo de’it diskriminasaun.
Nia hateten, husu ingresu professores kontratadu sira ba iha tuir dekretu lei depois mak molok tuir kuadru pesoas ne’ebé mak ministra identifika ona, maibé la’ós ho dalan atu hapara Professores kontratadu sira depois loke fali teste ba bolsas de kandidatus sira.
“Ha’u hakarak Afirma ida ne’e Bolsa kandidatu ne’e hanesan kandidatu seidauk sai Professores agora ami sira ne’ebé ezise dadauk ne’e sai tiha ona Professores deste tinan 10 no rekoñesimentu husi oitavu governu, tanba ne’e laiha razoes, laiha moral ba ministra edukasaun n atu halakon fali ami nia direitu ne’ebé mak hetan ona rekoñesimentu husi ita nia estadu,” nia akresenta.
Entretantu Professores kontratadu ne’ebé mak da-daun kontratu remata ona hamutuk 1.715 Professores hirak ne’e husu ba Ministra Edukasaun ho Sekretáriu Estadu Assunto Ensinu Sekundaria Jerál no Tékniku Vokasional atu rezolve estatutu Professores kontratadu tinan 2023 nian tuir dekretu lei no.31/2023 dia 31 de Maiu kona-ba estatutu kareira dos Professores ne’ebé mak previstu ona iha artigu 11.
Jornalista : Felix Fernandes
Editór : Agapito de Deus
