Lafaek News—Deskonfia serkuitu husi eletrisididade akontese ahi hamutuk uma ida Iha Aldeia Anin Fuik Ai-tarak Laran suku Kampung Alor, postu administrativu Dom Aleixo Munisípiu Díli.
Akontesementu ne’e iha loron Sabadu (13/01/2024) mais ou menus tuku 01:48 meiu-dia rezulta uma na’in ninian hanesan sasan uma laran ho osan np dokumentu importante sira labele salva.
Tuir uma na’in Venâncio Soares hatete katak, Motivu husi insidente sirkuitu eletrisidade, maibé seidauk hatene klaru tanbá nia laiha fatin akontesimentu.
“Ha’u laiha ne’e tanbá ha’u ba tiha hospitál Nasionál Guido Valadares, ha’u nia kaben mesak iha uma maibé lahatene ahi ne’e mosu husi ne’ebé no tanbá saida, ha’u nia ferik oan mak iha uma maibé seida’uk hatene motivu ne’e oinsa, Ha’u mesak ho labarik ki’ik de’it mak iha uma, no ha’u nia ferik oan mos hetan kanek uitoan maibé seida’uk hatene hetan kanek iha parte saida tanbá hakarak atu salva sasan balun mas la konsege no ha’u to’o mai latoman ona nia ba tiha ona hospitál tanbá trauma nune’e bele hetan tratamentu ba saúde,” katak nia. ” Dehan Venâncio.
Iha fatin hanesan Autoridade lokál xefe Aldeia Anin fuk Ai-tarak Laran Fragelino Maia hatutan tan, Akontesementu ne’e hanesan autoridade lokál seida’uk hatene lolo’os maibé tanbá laiha fatin refere, nune’e uma na’in ho viziñu sira mak bele hetene klaru bainha foti dadus kompletu husi sira.
“Akontese ne’e ha’u laiha fatin refere tanbá ha’u iha hela ha’u nia rezidensia, derepen komunidade sira hakilar katak ahi han uma, entaun ha’u mos halai tun mai hodi hodi akompaña no bele halo kontaktu ba parte bombeiros ninian atu bele asegura,” hatete nia.
Nia informa, Atu hatete ba públiku katak situasaun refere uma kondisaun ladi’ak kedas tanbá ne’e oinsa atu asegura fila-fali komunidade ne’e ninia direitu tanbá tuir informasaun katak família uma hetan kanek uitoan tanbá hakarak atu salva sasan balun maibé la konsege salva buat ida, salva de’it ninia oan no sasan uma laran ho osan balun mos la salva.
“Hanesan autoridade lokál husu ba parte protesaun Sivíl Ministériu Solidariedade Sosiál tanbá husi parte rua ne’e mak iha kompeténsia atu bele halo tulun urjensia ba vítima sira,” dehan Xefi Aldeia Anin Fuik Ai-tarak Laran.
Entretantu observasaun jornalista Lafaek news iha terenu nota akontesimentu komunidade sira trauma tanbá uma barak mak rabat hela uma ida ahi han ne’e, maibé liu minutu 30 de’it ekipa Bombeiru no EDTL to’o kedas fatin akontesimentu hodi asegura insidente ne’e.
Jornalista : Paulo Collo
Editor : Agapito de Deus
