Lafaek News—Sekretaria Estadu Formasaun Profesionál Empregu (SEFOPE) realiza seremónia despedida ho traballadór timor-oan 67 ne’ebé sei aranka ba servisu iha Austrália, iha Kinta-Feira (11/01/2023).
Sekretáriu Estadu Formasaun Profesionál Empregu, Rogério Araújo Mendonça apresia servisu Diresaun Nasionál Empregu Exterior ne’ebé servisu ho diak no servisu seidauk to’o semana rua ba fulan ida, maibé traballadór timor-oan lubuk ida ba servisu ona iha Austrália.
“Se ita boot sira la hatudu komportamentu diak, prestasaun servisu diak no hetan oportunidade mak primeiru deit, maibé tuir fila-fali mai imi sei la hetan oportunidade,” dehan Rogério Araújo, iha Caicoli Díli Tersa-Feira, (09/01/2024).
Rogério Mendonça dehan, traballadór sira tenke uza didiak oportunidade ida ne’ebé iha, nune’e fila-fali mai konkore fali ho visa tinan hat.
“Austrália sei fasilita timor-oan, ema husu primeira faze tinan ida ema husu ho 13 mil pessoas, maibé agora pilotu 200 pessoas atu koko uluk iha fulan-Janeiru nia laran ne’ebé labele lakon oportunidade,” tenik governante ne’e.
Governante ne’e hateten, traballadór 67 ne’e kompostu husi traballadór foun 36 no traballadór tuan 31, tan ne’e hatudu servisu ho responsabilidade no iha maturidade diak durante servisu iha kompañia, nune’e bele hetan nafatin konfiansa husi kompañia.
Iha sorin seluk, Diretór Nasionál Empregu Exteriór SEFOPE, Filomeno Soares mos reforsa, iha tinan ida ba terseira vez husik hela traballadór 67 ba servisu iha Austrália, primeiru iha na’in 8, semana kotuk Sábadu ami halo iha Suku Becora, horseik iha 13 pessoas, no iha tinan ida ne’e, ba ohin loron númeru boot uitoan maka 76 pessoas sei aranka iha bainrua.
“Ita mobiliza ona traballadór sira hetan ona oportunidade hodi servisu iha Austrália por volta 3000 ital, 3.295 sira ne’ebé mak hetan oportunidade kontratu, balun ba mai, balun foun,” informa Diretór Nasionál Empregu Exterior SEFOPE, Filomeno Soares.
Dirijente ne’e dehan, iha tinan 2023 ita iha progresu diak uitoan no mudansa sa’e uitoan, tanba númeru ne’ebé 2023 sa’e maka’as uitoan, la hanesan ho 2022. Tanba 2022 númeru ne’ebé mak ita taka 2022 to’o deit 3.571 inklui sira foun.
“Iha programa ne’e atividade rua mak hanesan, Long Text no Soft Text. Soft Text ne’e mak ita involve traballadór barak servisu ne’e 4 mil, ba sira Long Text iha 1.232 iha tinan ida ne’e,” nia dehan.
Tuir nia, iha tinan ne’e esperansa servisu maka’as liu tan atu hasa’e númeru ba Long Text nian, tanba Long Text ne’e semi skill, Timor-Leste presiza tebes haruka servisu iha semi skill, tanba ba ho abilidade ne’ebé mak iha.
Ezekutivu ne’e relata, dadus timor-ona ne’ebé servisu iha diaspora (Austrália no Korea Súl) mak hanesan tuir mai, husi Aileu 973 pessoas, Ainaro 817, Baucau 1.380, Bobonaro 500, Covalima 794 pesoas, Díli 2.991, Ermera 3.11, Lautém 799, Liquiça 809 pesoas, Manatuto 559, Manufahi 742, Oé-Cusse 386 no Viqueque 819 pesoas.
Jornalista : Epifania I. Pinto
Editor : Agapito de Deus
