Lafaek News—Prezidente Grupu Desportivas Futeból Balibo 1, Ricardo Valery Ximenes hatoo lamentasaun ba Konsellu Imprensa ho razaun la fo prioridade ba grupu foin sa’e desportivas ne’ebé realiza husi juventude Balibo-oan rasik.
“Antes ne’e ami hatama proposta ba parte barak, maibé to’o ikus ladún iha resposta máximu husi KI rasik, maibé sira esplika katak ami nia programa kona-ba desportivu ninian husi KI laiha, tanbá ne’e ho inisiativa rasik husi KI de’it $125.00 ba atividade desportivu ne’ebé maka juventude Balibo I realiza ba selebrasaun trajédia Balibo V ne’e,” Ricardo ba lafaek news iha Balibo, sábadu (14/10/2023).
Ricardo dehan, Prezidente KI rasik promete katak sei rezolve kona-ba taxa rotativa ho top skore futeból ninian maibé to’o ikus entrega fila-fali responsabilidade ba prezidente komisaun organizadora ba eventu desportivu ne’e rasik maka atu responsabiliza ba taxa hirak ne’e.
“Ho ida ne’e ami kontinua la’o ho buat ne’ebé maka ami iha no prontu hakarak reaiza, tanbá ne’e inisiativa husi grupu foinsa’e Balibo I, tanbá ne’e maka ami joven barak iha Balibo V maka iha talentu desportivu ninian, ho ida ne’e maka ami rasik hakarak halo jogu desportivu ida hanaran Balibo V Cup, nune’e bele atrai komunidade ninian partisipasaun máximu ba eventu ne’e,” tenik nia.
Iha sorin seluk membru juventude grupu desportivu Balibo I Fredirento Moniz Carvalho, fo hanoin ba Konsellu Imprensa atu bele hadi’a di’ak liután ba futuru nune’e bele tau prioridade liu ba desportu ninian.
” Karik bele husi KI ho CNC tenke serbisu hamutuk ho autoridade lokal sira atu bele valoriza talentu foinsa’e ninian liuliu ba desportu ninian atu bele kria amizade di’akliu tan entre joven sira tanbá joven mak xave ba unidade no fraternidade hodi kontribui ba dezenvolvimentu nasionál iha rai doben ida ne’e,” hakotu nia.
Observasaun lafaek news nota selebra loron istória jornalista nain lima nia loron mate iha postu administrativu Balibo, komunidade sira hatudu sira nia produtu lokál hanesan tais, mortel, aihan lokál inklui ezibisaun produtu media eletróniku no imprensa no tuir ajenda selebrasaun loron Balibo 5 ne’e sei ensera iha loron Segunda kalan ho atividade fahe prémiu, nune’e too notisia ne’e hatun redasaun lafaek news seidauk halo konfirmasaun ho parte Konsellu Imprensa kona-ba juventude Balibo-oan nia reklmasaun refere, maibe redasaun sei tenta konfirma ho parte KI.
Ekipa Lafaek News:
Editor : Paulo Collo
