Lafaek News—Prezidente Tribunal Rekursu (PTR), Deolindo dos Santos hateten oras ba partidus polítikus kompostu indivudal no koligasaun atu aprezenta lista kandidatus ba tribunal rekursu hela de’it oras 4, no liu husi oras tuku 5 sei la admite submete lista kandidaturas eleisaun parlamentar 2023.
“Ita fo sai netik ba publiku saida mak la’o ona iha loron 30 nia laran, ita hein hela de’it oras neen ona inklui oras meiudia nian, maibe lolos hela de’it oras haat ona,” katak Prezidente TR, Deolindo dos Santos ba jornalista sira iha salaun konferénsia TR Kaikoli, kuarta (15/03/2023).
Tuir dekretu prezidente repúblika loron 30 nia laran ba partidu polítikus sira hanesan individual ho koligasaun atu aprezenta sira nia lista kandidaturas, data ikus hatama lista mak loron 15/03/2023.
Lider orgaun tribunal supremu ne’e informa, agora da-daun lista ne’ebé submete on aba tribunal rekursu hamutuk lista 8, husi lista 8 ne’e, lista ida mai ho koligasaun, maibé finalmente tribunal rekursu deside la admite tanba lista ne’e la vale, signifika iha lista 7 mak mantein ho individual.
“ Ohin lista ida mai husi koligasaun ne’ebé tribunal rekursu la adimte, ohin hatama ona lista kandidatura, iha dia 8, lista ida mai husi partidu Frente-Mudanca, husi ida ne’e partidu lubuk boot ida inklui partidu sira ne’ebé ukun hela, balun ne’ebé seidauk ukun mak seidauk mai submete lista kandidatura,” katak Deolindo dos Santos
Prezidente TR ne’e afirma, lei hateten katak loron ohin loron ikus ba partidus polítikus sira ne’ebé atu konkore iha eleisaun parlamentar tinan 2023 tenke submete ona lista kandidaturas, se bainhira liu oras maka tribunal sei la admite simu lisa kandidatur husi partidu poítikus sira.
“Tanba ne’e partidu barak seidauk lori lista mai, maibé importante atu fo hatene ba partidus polítikus, individuais ka koligasaun, pelu-menus hela de’it oras haat, too tuku 5, ne’e regulamentu lista apresiasaun parlamentu nian, dekretu governu númeru 16/2017, 12 de Maiu, hateten bainhira iha relasaun oras servisu instituisaun public iha kazu konkretu tribunal rekursu nian kumpre oras experiente instituisaun nian, se liu tuku 5 sei la adimte, lei halo para ema kumpre,” PTR ne’e hakotu.
Jornalista : Agapito de Deus
Editor : Rita Moniz
