Lafaek News—Partidu Congressu Nasional Rekonstrusaun de Timor (CNRT), kuarta (15.03/2023), submete ona lista kandidatus eleisaun parlamentu nasional 2023 nian ba Tribunal Rekursu kompostu husi listas efetivus 65 no lista supliente 25.
“Ohin tuku 3 liu minute 15 partidu CNRT submete ona lista kandidatus fetivus 65 ho supliente 25 tuir lei haruka,” hatoo husi tékniku nasional partidu CNRT Joãozito Viana ba jornalista hafoin submete lista kandidaturas partidu CNRT ba iha Tribunal Rekursu, kuarta (15/03/2023).
Nia dehan, loron 15 ohin tuir kalendáriu markasaun ba eleisaun nian ba submisaun kandidaturas partidus polítikus sir aba eleisaun parlamentar 2023, felizmente partidu CNRT hatama ona lista kandidatus sira iha tribunal rekursu simu ho diak tanba dokumentus kompleta.
“Ami hatam dokumentus kompleta, laiha reklamasaun ruma ne’ebé ami tenke kompleta, la sidi tuir rekeztisu ne’ebé ami prepara durante semana rua nia laran,” nia dehan.
Nia dehan, kona-ba lista partidu CNRT nian partisipasaun feto porsentu 30 ne’ebé tuir lei haruka katak feto ho mane iha direitu hanesan, maibé hanesan parte tékniku konsege hatama ona lista hodi hein tribunal nia desizaun hafoin compete iha kampania eleisaun parlamentar 2023.
observasaun lafaek news nota ohin loron 15/03/2023, Demokratiku (PD) ho Partidu Congressu Nasional Rekonstrusaun de Timor (CNRT) ofisialmente submete ona lista kandidatus ba Tribunal Rekursu.
Jornalista : Agapito de Deus
Editor : Rita Moniz
