Lafaek News—Sekretáriu Estadu Juventude no Desportu Eng. Abrão Nokosiku Saldanha afirma federasaun hahú hala’o abertura husi clube Fc. Aitana vs Fc. Portu Taibesi iha divizaun dahuluk ba époka tinan 2023.
“Ida ne’e maka kalendáriu ne’ebe norma liga federasaun aprezenta, sira hare tuir orsamentu ne’ebé maka iha ba oin ita normalija fila fali ho orsamentu foun husi apoius foun, federasaun liga rasik tenki buka osan aumenta tan hamutuk ho governu nian”sekretariu estadu juventude no desportu (SEJD), Eng. Abrão Nokosiku afirma iha estadiun munisipal Dili, sesta (17/02/2023)
SEJD ne’e dehan, iha estatutu tama ona ba semi-profissional no governu la’os responsabiliza ba semi profisional ho 100% no liga amadora bele mos halo tuir regras ne’ebé iha, no semi profissional buka mos apoiantes hodi ajuda finansiamentu nune’e liga bele dura kleur.
“Hanesan ha’u ko’alia bebeik liga ne’e tama ona ba estatutu semi profissional, semi profisional ne’e la’os governu maka tenke responsabiliza 100%, se amadora governu bele halo tuir regra, agora semi profisional tenke buka mos esponsor sira seluk bele tama hodi nune’e ajuda finansiamentu hodi nune’e bele liga ne’e dura kleur liu”katak nia
Iha mudansa estatutu ba liga amadora hodi muda ba liga timorense, ho ida ne’e liga foun bele la’o no buka fundus hodi fasilita halo diak liu tan.
“Mudansa ha’u seidauk haree, estatutu maka muda tiha ona husi liga amadora ba liga timorense i organizasoens jogu mudansa iha mais hakiduk fali ituan, uluk iha kompetisaun apolo agora kompetisaun badak deit ita hein katak ho estatutu foun ne’e ita bele dudu liu tan polo liga federasaun atu buka apoius atu buka fasilidade sira para halo diak liu tan”
Sekretariu Estadu Juventude Desporto argumenta, iha mudansa hodi ezije tenke iha juvenil no junior hodi sira mos bele kompete iha jogu nia laran hodi bele dezenvolve juvenil no junior sira nia talentu hodi sai mos senior ba iha liga federasaun
“Saida maka agora iha mudansa maka sira ezije tenki buat hotu tenke iha juvenil ho junior ne’e ba ha’u ne’e mudansa di’ak tebes no pasu ida di’ak tebes atu hahu alin sira futeboll ne’e, porque ita iha senior ne’e tinan époka 5 ona maibe estok ne’e ema laiha ladun barak entaun ita sente clubu sira iha konsensia atu menan konkorda katak ba oin ho subsidiu ne’ebé maka federasaun fo sira mos tenke dezenvolve juvenil ho junior” hakotu nia
Jornalista : Alsino da Costa
Editor : Agapito de Deus
