Lafaek News—Akontesimentu ahi han uma iha suku Bekora, kinta (09/02/2023), halakon vítima Fernanda Florinda de Oliveira, nia osan mantante $400 resin no lakon sasan uma laran la salva.
Inan feton Fernanda haktuir iha momentu mosu ahi komesa trampa makas husi vizinu sira, bainhira rona vizinu sira hakilar nia halai kedan tama uma laran salva uluk nia oan mane ho kondisaun defisiénsia ne’ebé hatoba hela iha kama laran, kous sai ba liur hodi salva an husi situasaun perigozu ne’e.
Vítima Fernanda Floriana de Oliveira, hato’o nia sentimentu tristeza, sasán uma laran lakon hanesan mehi, agradese ba nai prezidente nia prezensa iha fatin ida ne’e hodi haree ho matan akontesimentu ne’e.
“Agradese ba nain hirak nia presensa iha ne’e hamutuk ho nain presidente ne’ebé ohin tau matan ka hare’e rasik ho matan iha ami no familia ne’e sanulu resin hitu 17 ne’ebé hetan uma ahi han ida ne’e” Fernanda Floriana de Oliveira afirma ba jornalista iha suku Becora, tersa (14/02/2024).
Defisénsia nia inan ne’e, espresa hatoo agradesimentu boot ba aman nasaun bele too ona iha fatin akontesimentu hodi haree difkuldade hirak ne’ebé hatake komunidade kiik sira iha ahi han fatin suku Bekora.
“Momentu akontese ne’e ha’u ho moras atan ida ne’e oan iha fatin laran, ha’u la bele rona mos saida mak akontese iha liur, depois de ami nia viziñu hakilar haklalak katak, sai, sai ahi han uma, entaun iha momentu ne’e ha’u la rona mos, ha’u halai sai i sira temi naran katak ou Alipi nia uma ahi han, entaun ha’u hakfodak ho ida ne’e hau halai tama ba taka kontador rua ne’ebé iha hau nia kuartu kedan depois halai tama ba laran ahi mai tiha iha plafon ami ho moras atan ne’e hela ba ne’e, ahi mai ona hanesan be sulin entaun ninia lakan ne’e komesa mai lalar ona ha’u, maibé ha’u ba tama de’it tanba nakukun tiha ona ahi suar mos mai ataka ha’u no manas mos ataka hau entaun ha’u raut de’it ida ne’e husi ninia matan laran, maibé ha’u buka nia kalilin hodi rasta sai, nein dokumentus ida rohan ha’u la lori nein sasan kiik oan ida mak la lori so salva maka maromak nia presente ida ne’e de’it,” Fernanda esplika
Ahi han motuk sasan uma laran tomak, hea isin lolon, bikan, sanan, meja-kadeira no osan hamutuk dolar atus haat resin (400) tau iha armáriu laran foti la biban.
“Sasan ne’ebé maka ahi han lor-loron nia dokumentu husi alin sira nian oan sira nian inklui mos ami nian hotu no osan ne’ebé iha buat hotu-hotu tanba hau nia inan tian ida ne’ebé mate iha foho iha kuarta feira ne’ebé familia sira hanesan mai halibur osan ne’ebé ami atu hola sasan lori ba asiste mate ida ne’e mos inklui hotu iha pasta laran ne’e no motuk hotu hamutuk 400 empat ratus resin iha ne’eba” hakotu nia
Jornalista : Aniceto Dias
Editor : Agapito de Deus
