Lafaek News—Ohin loron 12 fulan Fevereiru 2023, governu liu husi Sekretaria Estadu Formasaun Profissional no Empregu (SEFOPE), Diresaun Nasional Empregu Exterior (DNEE) haruka traballador Timor oan na’in 64 ba servisu iha korea Súl.
DNEE, Filomeno Soares iha nia mensajen ikus hateten, Timor oan ne’ebé servisu iha Korea Súl tenke hatudu komportamentu ne’ebé di’ak ba povu Korea Súl hodi hametin liután relasaun Korea ho Timor Leste, hodi apoiu Timor oan iha kampu traballu.
“Atu ba Korea tenki esforsu no sakrífisiu ne’ebé imi nia maun sira halo ona iha pasadu, imi nia komportamentu no servisu di’ak imajen di’ak ba povu korea sira no futuru oin mai alin barak mak sei tuir imi nia ai-fatin ba korea wainhira servisu iha ema nia nasaun ne’ebá,” Diretor Nasional Externu no Empregu, Filomino Soares, iha Salaun Timor Lodge foin lalais.
Alende ne’e husu ba traballadór sira keta problema servisu nian ne’ebé liu-liu la komprende lei laboral nian iha ne’ebá, husu no konsulta ba patraun ne’ebé kaer projetu ne’e hodi hatene, razaun dalaruma tan de’it problema kiik oan ida lakohi rezolve bele sai boot, no traballadór ne’ebé atu muda fatin ida ba fatin seluk, husu lisensa ba patraun no rai hela provas hodi nune’e patraun bele hatene.
Sorin seluk, reprezentante Embaixadór Korea, Jooyun Yang hatete argumenta, molok ba Korea tenki kuidadu an no preparan an hodi labele kona Corona, ho nune’e labele prezudika fali bainhira to’o iha Korea sei loke konta bankária, tan ne’e presiza lori billete Indentidade (BI) ka kartaun eleitoral hodi loke konta bankária.
Jooyun Yang hatete, liu husi mensanjen ne’e hato’o ba traballadór ne’ebé aranka ba Korea iha regras tolu, labele komete irregularidade, labele sai ilegal husi governu Korea nian no iha mudansa administrasaun, governu Korea ne’ebé iha polítika makas hodi kombate ba komete irregularidade nian.
“Ha’u hakarak hato’o hela mensajen buat tolu ne’ebé mak ba ita boot sira la bele hala’o durante iha korea, depois buat tolu ne’ebé ita boot sira tenki halo durante iha korea, ba dahuluk liu mak la bele komete iregularidade la bele sai ilegal governu korea depois iha mudansa administrasaun depois troka prezidente foun sira iha politika ne’ebé makas teb-tebes, atu kombate ema sira komete irregularudade,” Jooyun Yang akresenta.
Reprezentante embaixador Korea ne’e lamenta ho dadus ne’ebé traballadór sira ne’ebé sai illegal hodi servisu iha Korea Iha tinan kotuk fulan Outobru no Novembru halo operasaun durante fulan 2 konsege kaer traballadór 10.000 mill ne’ebé identifika iha Korea entre sira, 10.000 mill ne’ebé kuaze 3.500, no Tailándia 1.500 haruka fila.
Jornalista : Adolfina Soares
Editor : Agapito de Deus
