Lafaek News—Timor-Leste Press Uniaun (TLPU), sesta (10/02/2023) ofisialmente loke formasaun lian Inglés ba jornalista Timor-oan sira atu hasa’e koñesimentu lian atividade kobertura iha nasional no internasional.
Presidenti TLPU, Cándido Alves nia diskursu afirma, hatoo agardesimentu boot ba Konsellu Imprensa (KI) no Ministériu Assuntu Parlamentár no Komunikasaun Sosiál (MAPKOMS), parseiru di’ak ho Timor Leste Press Uniaun hodi kontribui ba iberdade imprensa no liberdade espresaun, tan ne’e lansamentu bá formasaun lian Inglés ba jornalista sira hodi sai xave importante ida ba lian Inglés bainhira hala’o kobertura iha lian Inglés.
“Ha’u la haluha hato’o agradese bo’ot ba konselhu impresa KI no MAPKOMS katak, ita nia relasaun sei metin nafatain, TLPU hakarak ema hotu moris hamutuk hodi kontribui ba liberdade imprensa no espresaun, ohin halo lansamentu, maski sira hotu la partisipa iha fatin ne’e, maibé ita senti katak, sira hotu iha ne’e, ha’u mos la haluha atu hato’o hela ba ita nia matebian sira ne’ebé fila ona ba aman maromak espesiál ba Nino Koni Santana ne’eebe oras ne’e da-daun TLPU autoriza hela fatin, ba formasaun ida ne’e di’ak tebes ba ita hotu no mos ba jornalista sira,” Presidente TLPU, Cándido Alves ba jornalista sira iha salaun TLPU Taibesi, sesta (10/02/2023)
Prezidente eleitu Konsellu Imprensa (KI), Otélio Ote, reforsa iha lansamentu formasaun lian Inglés ne’e importante ba jornalista hodi bele hatene lian Inglés bainhira tun terenu hodi halo kobertura ba lian Inglés no halo komunikasaun ba malu.
Prezidente KI mandatu restante tinan Durante ne’e, sublina jornalista iha abilidade atu ko’alia lian Tetun no Inglésh lor-loron no atividade iha area jornalista nian, tanba Timor Leste iha relasaun ho nasaun seluk liu-liu organisaun jornalista nian husi nasaun seluk hodi koopera hamutuk ho asosiasaun sira iha Timor Leste hanesan AJTL, TLPU no seluk-seluk tan.
“Hanesan ohin ha’u dehan ohin Timor-Leste la’os hanesan nasaun ida ne’ebé mak la taka an ba nasaun sira seluk, entaun jornalista sira mos tenki iha kapasidade hosi aprende dalen Inglés,” esplika Otélio Ote.
Jornalista : Adolfina Soares
Editor : Agapito de Deus
