Lafaek News—Populasaun munisípiu Lautém husu governu liu-liu Ministériu Saúde atu loke hikas klínika Imanuel ne’ebé abandona dezde too ohin loron tanba laiha doutor atu fo atendimentu ba pasientes.
“Ami sente triste tanba durante ne’e sira nia atendimentu di’ak ba ami sente di’ak tebes no klínika ne’e taka nune’e ami sente triste no husu atu loke fali nune’e bele atende ami,”
Klínika Emanuel dezde tempu okupasaun Indonézia, maibé tempu independensia ne’e atividade atendimentu la’o normal, agora klínika refere laiha doutor nune’e atividade atendimentu paradu ho razaun estadu Timor-Leste persija rekejitus tenke iha doutor ida hafoin klínika bele loke hikas más komunidade sira husu estadu loke fila fali hodi tulun populasaun sira ne’ebé moras.
Abitante Afliana Neka husi postu Lospalos villa hateten persija tebes klínika ne’e loke fila fali tanba nia atendimentu di’ak no iha aimoruk ne’ebé di’ak durante tinan naruk nia laran.
“Agora taka tiha ne’e ami sente laran susar, husu atu boot sira tau matan ba povu kiik nia preukupasaun,” katak Afliana.
Parte seluk komunidade hanesan ho naran Benedita da Costa Ximenes husi suku Fuiloru mos ezijej ministériu saúde atu reativa hikas klínika iha tempu badak hodi fo atendimentu kurativu ba populasaun sira iha Lautém.
“Ha’u nia hakarak ne’e klínika ne’e loke fali ho lais tanba ami persija konsulta iha klínika ne’e tanba atendimentu di’ak, hmai konsulta no simu aimoruk iha ne’e di’ak liu tanba ne’e persija tebes nai ulun sira tau matan ba klínika ne’e,” nia sublina.
Hatan ba ezijénsia komunidade hirak ne’e, responsavel klínika imanel Lospalos, Amena da Costa hateten, klínika ne’e la signifika atu taka ona, maibé doutor mak laiha nune’e ohin loron sei taka hela ne’e.
“Klinika ne’e taka komesa husi fulan Abríl tinan kotuk too ohin loron besik tinan ida ona, ami nia problema mak doutor fila tiha ba Amérika no klínika ne’e laiha doutor tanba ne’e tuir kriteria estadu RDTL nian klínika ejiste tenke iha doutor ami nia fundasaun buka hela doutor, más ho sálariu ne’ebé boot tebes, tan ne’e ami sei taka provizóriu hela inklui ami sei trata fali dokumentu ne’ebé mate ne’e, maibé seidauk iha rezultadu ida no ami husi mós apoiu doutur husi serbisu saúde musnisipuu Lautém más laiha doutor, nune’e ami taka de’it hodi hein prosesu hotu.
Tuir responsavel ne’e katak klínika ne’e loke kada fulan vijitante besik atus haat no agora da-daun funsionariu nain 8 mak serbisu hela ba klínika refere, fasilidaees kompletu maibé laiha doutor.
Jornalista : CE. Lautem
Editor : Agapito de Deus
