Lafaek News— Prezidente Komisaun Nasionál Elisoens (CNE), José Agustinho Belo, hateten Resensiamentu Eleitóral ne’e obrigatóriu sei kontinua fila-fali iha fulan janeiru tinan 2023 nune’e sidadaun sira labele lakon votus.
Prezidente Komisaun Nasionál Elisoens José Agustinho Belo, hatoo asuntu ne’e ba jornalista sira iha sesta (16/12/2022) hafoin ho ekipa STAE enkontru ho Repúblika José Ramos-Horta hodi ko’alia kona-ba preparasaun eleisaun parlamentar tinan 2023, iha Palásiu Prezidensiál.
“Resensiamentu ne’e obrigatóriu, antes eleisaun tenki iha resensiamentu tan ne’e STAE nia servisu durante ne’e la’o hela foin mak taka iha loron 30 liuba, ami halo superviziona nafatin prosesu tomak haree mos ba iha Janeiru ita sei kontinua oinsá eleitóral sira ne’ebé atu troka sira nia hela fatin nune’e mos ba estudante sira joven sira ne’ebé mak hela iha estranjeiru katak sira ba ona rai li’ur tenki resulta fali sira nia dadus nune’e labele lakon sira nia direitu votus”, esplika Prezidente Komisaun Nasionál Elisoens (CNE), José Agustinho Belo b jornalista sira iha Palásiu Prezidensiál Sesta ( 16/12/2022).
Tuir Prezidente CNE, Nune’e mos estudante ne’ebé mak atu atinji ona tinan 15- 17 sira tenki iha posibilidade atu halo rezustamentu ba sira nia dadus nune’e eleisaun 2023 sira ida-idak labele ameasa fó sira nia votus.
“Durasaun resensiamentu ne’e depende ba prosesu tomak ne’ebé mak kalenderaiu STAE lao hela importante liu kaer nafatin ba baze legal ne’ebé iha katak eleisaun presiza iha resensiamentu, tanba ne’e mak lao tuir deit kalenderaiu sei apresenta husi STAE”.
CNE nee hateten, Importante liu oinsá mak eleisaun ne’e lao tuir Lei ne’ebé iha no periódu ne’ebé mak deputadu sira mandatu tanba lisaun periodika la fasil hanesan orgaun eleitóral no orgaun implementadór CNE no STAE halo tuir de’it lei.
Parte CNE ne’e mos deklara, Servisu durante ne’e lao di’ak hela, hanesan eleisaun presidensial lao di’ak, kestaun téknika sei diskute tanba atu hetan kualidade diskuasun sira ne’e iha, maibé kolaborasaun STAE no CNE durante ne’e lao di’ak.
Jornalista : Rita Moniz
Editór : Agapito de Deus
