Lafaek News— Segunda (24/10/2022) Prezidente Repúblika Timor Leste José Ramos-Horta simu karta kredensial husi nasaun naun-residensia tolu kompostu husi Vietnam, Austria no Norwai futuru loke Embaixada iha Timor Leste.
“Ohin ita iha Embaixadór tolu naun- residensia apresenta sira nia karta kredensial ba Prezidente Repúblika Vietnam, Autria no Norwai sira ne’e hasoru malu ho Prezidente Repúblika mai entrega sira nia kredensial, sira naun-residensia hanesan ohin Vietnam hatete ba Prezidente Repúblika bainhira Timor leste tama ona ba Menbru ASEAN Vietnam sei mai loke Emabiaxada permanente iha Timor Leste hanesan mos Norwai no Austria buka nafatin esforsu loron ruma sira mos mai loke sira nian residesia iha Timor Leste”, esplika Sekretáriu Jerál Ministériu Negósiu Estranjeiru no Kooperasaun ( MNEK) Francisco Tilman Cepeda hafoin entrega karta kredensial ba Prezidente Repúblika iha Palásiu Prezidensiál Segunda ( 24/10/2022).
Sekretáriu Jerál MNEK ne’e dehan, Vietnam Ko’alia barak liu kona-ba Timor Leste nia kooperasaun, ko’alia mos kona-ba apoiu Timor Leste atu sai membru ASEAN no Ko’alia mos kona-ba ba Kooperasaun ne’ebé iha ona hanesan Vietnam sita mos Telemor investimentu boot ida ne’ebé japaun iha ba Timor, husi investimentu Telemor ne’e sira fiar katak sei atrai tan investidor seluk boot husi Vietnam hodi investe iha Timor Leste..
“Sira nia residensia agora dadaun iha Jakarta, maibé sira sei esforsu loron ruma sei mai loke sira nia Embaixada iha Timor Leste”, deklara Sekjer MNEK.
Tuir Governante ne’e, Austria hanesan iha kuadro Uniaun Europeia, TL halo kooperasaun barak ho Uniaun Europeia, Uniaun Europeia mos fo apoiu barak mai iTL liu husi Uniaun Europeia, sira mos suporta tebes-tebes TL , TL iha relasaun istóriku ho país rua ne’e hanesan Norwai no Austria desde tempu antes indenpendensia too agora
“Sira hotu-hotu halo esforsu nune’e iha futuru sira nia representante iha ita nia rai, Vietnam mak promete ona bainhira Timor leste tama ASEAN sira halo sira nia Embaixada iha Timor Leste”.
Iha okaziaun ne’e Presidente Repúblika Timor Leste José Ramos-Horta parte agradese tebes ba país ne’ebé de’it mak iha interese atu mai loke sira nian Embaixada iha Timor Leste.
Jornalista : Rita Moniz
Editór : Agapito de Deus
