Lafaek News–Ajénsia Tic Timor I.P. (Telecnologia Informação Comunicação), halo Sosializasaum kona-ba Programa ID Úniku ba Dosente no estudantes Universidade Orienta Timor-Lorosa’e (UNITAL) atu bele identifika dadus duplikasaun.
“Objetivu prinsipal husi Programa ida ne’e mak Sosializá programa ID úniku, ita hotu hatene katak iha Timor nomós nasaun sira seluk problema prinsipal mak dadus sira ne’ebé duplikadu ha’u hanoin laos Timor-Leste de’it mak infrenta problema sira hanesan ne’e, inkluí programa ID úniku hanesan parté husi oitavu governu konstitusional ne’ebé mai husi planu estratejiku dezemvolvimentu nasional, ida ne’e oinsa para iha Timor-Leste bele implementa governu elektronika, tanba ne’e ID Úniku hanesan fundasaun importante iha governu elektronika, nune’e ita agora iha seclu 21 nu’udar seclu ida ne’ebé ko’alia kona-ba teknologia avansadus i ha’u hanoin Timor-Leste too ona tempu atu implementa teknologia ida”Dehan Diretór Interino TIC Timor, I.P. Justo Fernandes ba Jornalista sira hafaoin partisipa iha Sosializasun programa ID úniku iha Salaum enkontru UNITAL, iha loron Kinta feira 20 de Outubru 2022
Entretantu Benefísiu husi Programa ID Úniku ba publiku ne’e mak fasil ba sistema hodi verifika ema nia identidade ho klaru no konfiavel
“Benefísiu husi Programa ID Úniku ba publiku mak ha’u fó ezemplu bainhira ita ba buka servisu ka loke konta bankaria tuma ita presiza deklarasaun husi xefe suku, xefe aldeia no polisia hafoim ita bele urus dokumentus refere, entaun liuhusi ID úniku ema bele verifika de’it ita nia ID Úniku ita involve iha krimi kalae liuhusi sistema ho siatema mak sei ko’alia ba malu nune’e bele verifika sidadaun ne’e kometé ba krime kalae liuhusi nia ID úniku ho dalan ne’ebé seguru no konfiavel” Esplika Diretor Interino TIC Timor, I.P.
Emtretantu reprezentante Vice reitor UNITAL, Arlindo do Seu Fatima, hateten parté akademika prontu atu suporta programa ida hodi hatutan ba iha sosiedade sira
“Liuhusi akademika UNITAL hatoo agradese ba polítika governu nia, tanba bele kria sistema ida ne’e hodi bele fasilita sosiedade tomak, ha’u hanoin polítika ida ne’e di’ak tebes no parté akademika simu no suporta ba programa ida ne’e tanba parté akademika mak nu’udar tilun matan no ain ba sosiedade sira hodi hatutan fali programa politiko governu nia ba sosiedade sira liuliu ligadu ho ID úniku ida ne’e nu’udar programa ne’ebé ajuda sosiedade hodi redúz interese sira ne’ebé dalabarak akoñtese iha ita nia sosiedade liuliu liga ho Id falsu kartaun falsu sira ita bele minimiza liuhusi programa ID úniku,” dehan Vice Reitor itor Unital Arlindo do Seu Fatima, hafoin partisipá iha Workshop refere.
Entretantu Vice reitor husu ba Dosente no estudante hirak ne’ebé partisipá bele sosialisaza fali informasaun hirak ne’e ba sosiedade sira.
“Espera katak ba dosente no estudante ne’ebé partisipa iha programa refere bele sai ajenti hodi hatutan no habelar fila fali informasaun hirak ne’e ba sosiedade sira liuliu mós ba sira iha areá rural hodi hatene benefísiu husi programa ID Úniku ne’e”hatutan Vice Reitor UNITAL.
Entretantu Orsamentu ne’ebé aloka ba programa ID Úniku iha faze primeiru 3 milhoes ne’e ba implementasaun sosializa programa ID úniku nomós ba prokura sasan basika elektronika sira no total orsamentu ba implementasaun programa ID úniku ba tinan lima nia laran hamutuk 13.8 milhoes.
Jornalista : Zita Menezes
Editor : Agapito de Deus
