Lafaek News—Prezidente Repúblika Timor Leste José Ramos-Horta Horta hala’o visita estadu ba Reino Camboja núdar Konvidadu Nai Liurai- Sua Majestade Preah Bat Samdech Preah Boromneath NORODOM SIHAMONI sai nudar oportunidade di’ak hodi reforsa-hametin liu tan parseria no amizade entre nasaun rua ne’e, no explora formas atu aumenta tan koperasaun iha matéria ba dezenvolve ekonomia
“Prezidente Repúblika Demokrátik Timor-Leste José Ramos Horta sei halao Vizita Estadu, housi loron 19 to loron 21 fulan outubro 2022, ba Reino Camboja núdar Konvidadu Nai Liurai- Sua Majestade Preah Bat Samdech Preah Boromneath NORODOM SIHAMONI Camboja no Timor-Leste iha no hala’o relasoens ne’ebe diak tebes, nu’udar aktual Prezidebte ASEAN nian , Camboja dadaun ne’e sai mos nudar defensor forte tebes konabá adezaun Timor-Leste atu adere tama ba menbru ASEANI”, dehan Prezidente Repúblika José Ramos-Horta liu husi média Palasíu Presidensiál Kuarta (18/10/2022).
Tuir Prezidente TL Horta, Camboja no Timor-Leste iha no hala’o relasoens ne’ebe diak tebes, núdar aktual Prezidebte ASEAN nian Camboja da-daun ne’e sai mos nudar defensor forte tebes konabá adezaun Timor-Leste atu adere tama ba menbru ASEAN.
“Vizita ne’ebe atu halao dadaun ne’e sei sai nudar oportunidade di’ak houdi reforsa-hametin liu tan parseria no amizade entre nasaun rua ne’e, no explora formas atu aumenta tan koperasaun iha matéria ba dezenvolve ekonomia , seguransa ai-han, konektividade aviasaun, troka konabá komersiu nian, partilha experiénsias iha sektor minarai no mos konaba inisitativa regional sira, entre matéria sira selu tan”, dehan Prezidente Ramos Horta.
Tuir komunikadu ne’e katak, Iha Vizita Estadu ida ne’e mos sei akompanha housi sektor privadu Timor Leste nian no komunidade emprezarial , no sira iha neba sei partisipa iha Fórum Emprezarial ida ne’ebe maka organiza housi Ministeirio dos Negocios Estangeiros no Kooperasaun no Embaixada Timor-Leste iha Reino do Camboja, ein parseria-servisu hamutuk ho Câmara de Comércio Camboja nian no ho Trade Invest Timor-Leste.
“Prezidente nia ponto kulminante maka sei ba ko’alia iha universidade tolu (3) , tuir mai iha nebá sei simu kondekorasaun iha Doutoramento Honoris Causa iha Administração no Liderança Educativa” no ida fali iha “Professor Honorário Distinto de Relações Internacionais,” katak PR Horta.
Entretantu, Durante Vizita de Estadu ida ne’e mos Prezidente Ramos-Horta sei hala’o reuniaun ho Sua Majestade Liurai, ho Primeiro-Ministro S. Exa. Hun Sen, no mkortezia ba Prezidente Senado ba housi Prezidente Assembleia Nacional Reino Camboja nian, Prezidente Ramos-Horta sei fila fali mai Timor-Leste iha loron 23 fulan Outubro de 2022.
Jornalista: Rita Moniz
Editór : Agapito de Deus
