Lafaek News—loron 23 fulan Setembru 2022 Prezidente Repúblika, José Ramos-Horta, hala’o enkontru bilateral ho Primeiru-Ministru Kambodia, Hun Sen, iha Sede Organizasaun Nasoens Unidas (ONU) nian iha Nova Iorke, hafoin partisipa iha asembleia jerál ONU ba dala-77.
“Ha’u hakarak informa iha reuniaun ida-ne’e katak, susesu ASEAN mak koordena atu simu Timor-Leste ba membru ASEAN ba dala-11, hanesan saida mak Prezidente Timor-Leste hateten, atu sai membru ASEAN, no hein katak, iha final tinan ida-ne’e no tinan oin, Timor-Leste sei membru ASEAN ba dala-11 hamutuk ne’ebe iha populasaun millaun 600, Hakarak ha’u-nia obrigadu ba Prezidente Timor-Leste ne’ebé mak mai rona ha’u-nia diskursu, no espera katak, Timor-Leste bele sai hanesan membru,” hatete Primeiru-Ministru Kambodia Hun Sen iha sede ONU Sexta 23/09/2022).
Primeiru-Ministru Kambodia, Hun Sen afirma, kambodia apoiu tomak adezaun Timor-Leste bá organizasaun Association South East Asia Nation (ASEAN), hodi sai membru ba dala-11 iha tinan 2023.
“Kambodia esforsu hela atu atende objetivu komún hodi lori benefísiu ba komunidade rejionál, bazeia ba espíritu sentralidade, unidade no solidariedade”, PM Kambodia dehan.
Entretantu durante diskurssu iha Assembleia Jerál ONU, Prezidente Repúblika José Ramos-Horta deklara hein katak, iha tinan oin, Timor-Leste bele asesu ba Organizasaun Mundiál Komérsiu no ASEAN hodi apoia interese nasaun nian, hanesan reforma ekonómika doméstika, interesse nasionál no diversifikasaun ekonómika.
Tuir Xefe Estadu Horta, adezaun Timor-Leste ba ASEAN hanesan polítika estratéjika ba estabilidade no prosperiedade.
“Adezaun ba ASEAN hanesan estretejia imperativa, importante iha estabilidade no prosperiedade iha Timor-Leste, waihira iha paz no prosperiedade iha Timor-Lest, importante mos ba ASEAN, Paz no prosperiedade iha ita nia nasaun viziña benefisia ita hotu. Konflitu ka ameasa no risku husi nasaun ida, inevitavelmente sei fó mos impaktu ba nasaun seluk”.
Entretantu asuntu ne’e Lafaek News asesu husi Gabinete média Palasíu Presidensiál iha loron 24/09/2022 realsa katak, enkontru ne’e partisipa husi Ministra Negósiu Estranjeiru no Kooperasaun Adaljiza Magno no Embaixadór Timor-Leste ba Nova Iorke, Carlito Nunes, diskuti kona-ba kooperasau iha àrea oi-oin.
Jornalista : Rita Moniz
Editór : Agapito de Deus
