Lafaek News–Prezidente Repúblika José Ramos Horta liu husi dekretu Presidente Repúblika no 61/2022 6 de Agusto kondekora militár Repúblika Korea do Sul nain 5 kompostu husi Tenente Coronel Min Byung Jo, Tenente Coronel Park Jin Kyu, Sarjento Park Jeonhun, Sarjento Choi Hee ho Sarjento Kim Juang Joon.
Prezidente Repúblika José Ramos Horta iha nia diskursu hatete, ba família ne’ebé iha ne’e hakruuk, lori nasaun tomak nia kondelensia, hakuak hamutuk ho familia tan neon ba vida sira asidente mortal iha Oe-cusse, Eventu sira hanesan ida ne’e iha Timor Leste nia istória, Timor mós familia lubuk ida lakon Timor-oan rihun ba rihun iha liután ida ne’e nia laran durante tinan 24, Ne’e duni nu’udar Timor-oan kompriende hatene no sente sofrimentu familia militár sira ninian.
Ba família ne’ebé iha ne’e ha’u hakruuk ba imi, lori nasaun tomak nia kondelensia, hakuak imi hamutuk ho imi tan neon ba vida sira asidente mortal iha Oe-kusse, eventu sira hanesan ida ne’e iha Timor Leste nia istória, ami mós familia lubuk ida lakon Timor-oan rihun ba rihun iha liután ida ne’e nia laran durante tinan 24, Ne’e duni nu’udar Timoroan kompriende hatene no sente sofrimentu familia militár sira ninian”, esplika Prezidente Ramos Horta iha salaun Cina Palasíu Presidensiál Bairo-pite, segunda (08/08/2022).
Tuir PR Ramos Horta, Iha periódu ne’eba elementu balun, forsa da pas ONU nian lakon sira vida, Nova Zelándia’akon nia vida iha Suai, forsa Portugesa servisu helikopteru lakon vida iha asidente helikopteru iha Alas, elementu seluk inklui forsa Pakistaun lakon vida, bainhira tenta dezativa bomba iha besik Kristu Rei, no elementu GNR ida mate iha Subaun, kauza asidente karreta bainhira fila husi Laleia, bainhira halo dejatuvasaun ba bomba antigu iha Laleia, Iha iTimor Leste elementu internasionál balun militár, polísia no sivil lakon sira nia vida.
Repúblika Korea partisipa iha forsa da pas ONU nian ne’ebé mai iha Timor Leste tuir interfet, depois forsa das ONU nian UNTAET hahú iha 1999 to’o final sai husi Timor Leste iha 2003,’’katak nia.
Iha fatin hanesan Embaixadór Korea iha Timor Leste, Kim Jeong Ho, hato’o agradesimentu ba Prezidente Repúblika Timor Leste mezmu okupadu bele realiza eventu ne’e, hatene militár evergreen Korea do Súl na’in lima mate liu ona tinan 19, Ba tinan 19 lori mós memoria di’ak no at ba hotu-hotu.
Hakarak hato’o ha’u nia agradesimentu wain ba Prezidente Repúblika Timor Leste mezmu okupadu bele realiza eventu ne’e, Ita hotu hatene militár evergreen Korea do Súl na’in lima mate liu ona tinan 19, ba ami tinan 19 lori mós memoria di’ak no at ba ita hotu”, deklara Embaixadór Korea iha Timor Leste Kim Jeong Ho.
Tuir Embaixadór Korea iha Timor Leste Kim Jeong Ho katak,maske liu ona tinan 19 povu Timor sei nafatin hanoin sira nia dedikasaun, domin ba Timor, Tanba ne’e reprezenta Estadu Korea fiar katak familia sira mós bele sente domin ne’ebé povu Timor Leste fó ba sira nia oan na’in lima no domin sira ne’e sei halo sira hakmatek bainhira fila ba Korea.
Tanba sira nia oan, familia mate iha Timor mós la’ós saugate, fiar katak familia sira sei sai amigu esterna ba Timor Leste hodi hanoin nafatin ba Timor Leste hanesan mós Timor Leste hanoin ba sira nia oan, reza ba Maromak atu Timor Leste ho Korea sempre la’o hamutuk ba oin no to’o rohan laek”.
Fatin hanesan Reprezentante familia kaben husi Koronel Park Jin Kyu, Jun Hyein Wife,agradese ba Prezidente Repúblika no Primeiru Ministru, no membru governu sira ne’ebé prepara seremónia, vizita fatin ida ne’e ho laran susar, maibé sente duni katak familia, lae, oan, aman nia mate sai duni hanesan baze fundasaun ba dezenvolvimentu Timor Leste nian.
Ha’u hakarak hato’o ha’u nia agradese wain ba Prezidente Repúblika no Primeiru Ministru, no membru governu sira ne’ebé prepara seremónia, mezmu ami vizita fatin ida ne’e ho laran susar, maibé sente duni katak ami nia familia, ami nia lae, ami nia oan no ami nia aman nia mate sai duni hanesan baze fundasaun ba dezenvolvimentu Timor Leste nian”.
Tuir Nia, hafoin vizta monumentu memorial no haree parke memorial ne’ebé halo iha Oekuss, ami sente duni katak sira nia prezensa nafatin iha Oe-kussi no povu Timor nafatin hanoin sira ho nune’e, bainhira ami fila ba Korea mós ami sei sente hakmatek no sira deskansa iha lalehan mós sei kontente bainhira haree faktu sura ne’e.
Jornalista : Rita Moniz
Editór : Agapito de Deus
