Lafaek News–Loja 3 ho naran konésidu salvasaun Lospalos harii uma ida ho medida 4×4 ba inan faluk kbiit laek Ana Miranda ho idade 60 hodi hamahan an ho dignu.
Material ho orsamentu ba konstrusaun uma ba inan kbiit laek husi Loja refere inklui familia sira iha Austrália hodi tulun uma medida 4×4 ba iha inan faluk kbiit laek ne’e iha aldeia Lospalos suku Fuiloro postu administrativu Lospalos, munisipiu Lautém.
Nain ba Loja númeru 3 Lospalos, Zelindo Joao Lay, haktuir durante ne’e nia halo observasaun ba inan faluk kbiit laek Ana Miranda nia moris susar ba hela fatin no nesesidade uma-laran, tanba ne’e nia deside kolabora ho familia tau kontribuisaun finanseira hamutuk hodi konstribui uma ba povu kbiit laek ne’e iha aldeia Lospalos.
Inan faluk Ana miranda ne’ebé ho kondisaun moras mentál hodi haree direta nia kondisaun moris wainhira ami to inan faluk ne’e nia fatin haree katak nia hela ona ba fatin dignu kompara ho kondisaun uma uluk ne’ebé inan ne’e halo grave tebes no labele saran udan no anin,’’ katak Zelindo Lay ba lafaek news iha rezidénsia faluk Ana Miranda iha aldeia Lospalos suku Fuiloro semana ne’e.
Nain ba loja númeru 3, osan ne’ebe tuulun inan faluk ne’e mai husi osan ne’ebé família husi Austrália fo no-mos osan ismola (amál) ne’ebé nia tau iha loja .
Bainhira ema ruma mai sosa tau osan ruma karik ne’e mak ami tau hamutuk hodi tulun ema kbiit laek sira hanesan tia Ana Miranda ne’ebé moris faluk inklui mós ho kondisaun inan ne’e nian ne’ebé moras ne’e, uma ne’e ami haris tanba hare ba ama ne’e toba de’it iha uma ne’ebé ho kondisaun ladiak entaun ha’u koko ho família sira fó tulun atu nune’e ama ne’e bele toba iha kondisaun di’ak witoan,’’dehan Zelindo Lay.
Zelindo dehan tan, uma ne’ebe oferese ba inan faluk Ana Miranda ne’e hanesan grasa ida husi maromak liu husi loja númeru 3, tuir loos labele sura ida ne’e, tanba liman karuk fo, liman loos labele hatene, tulun malu ne’e valor boot iha mundu too iha lalehan, maske postura uma ne’e simples importante satan inan faluk Ana husi udan ho anin.
faluk kbiit laek Ana Miranda orijen husi aldeia Lospalos, suku Fuiloro munisípiu Lautém, iha oan feto mesak ida hela ho familia sira, tanba faluk ne’e rasik sifre moras mental.
Jornalista : CE.Lautem
Editor : Agapito de Deus
