Lafaek News–Defisiénsia fíziku Gabriel Oliveira de Araújo, fo hanoin ba governu atu kria fasilidade públiku hanesan sanitasaun espesífiku iha públiku ba ema ho defisiensia inklui kria kondisaun iha loron votasaun atu ema ho defisiensia bele asesu ho dignu.
Ha’u sente difikuldade tebes mai ami difisiénsia, ami mós hakarak moris hanesan ho maluk sira seluk ne’ebé la’os difisiénsia, tanba kada tinan 5 ita sempre halo festeza ba eleisaun rua, ami ne’ebé ho kondisaun difisiénsia nia votus mós hanesan ho ema seluk ne’ebé la’os difisiénsia, maibé difikuldade ba ami boot liu,cami sempre halerik, hakilar, ami hakarak ita hotu hanesan, tanba iha fatin ne’ebé tau iha sentru votasaun susar ba ami atu asesu ho diak no ami ba sempre soke moru, tanba fatin ida espesifiku ba ami ne’ebé ho kondisaun defisiénsia fíziku ne’e laiha”, espresa defisiensia Gabriel ba lafaek news iha nia rezidénsia foin lalais.
Nia dehan, iha semináriu nasional hirak iha munisípiu Dili, ema sira la ho defisiensia ne’e fasil asesu ba sanitasaun públiku, maibé laiha sanitasaun espesifiku ba ema defisiensia susar iha ne’e, inklui kria mos fatin seguru ba ema ho defisiente sira iha periodu eleisaun liu-liu iha tempu votasaun atu nune’e defisiente sira nia votus bele segreta no valor.
Iha tempu votasaun ne’e ema dehan votus ne’e sekretu, maibé ami-nia votus la sekretu tanba kaixa ne’ebé Ita subar-a’an ba ne’e ki’ik liu no labele akumula ami nia kursi roda ,tan ne’e bainhira ami tama simu bulletin votus, ami lori ba besik kaixa atu tù no vistu labele skretu tanba latan de’it iha ami nia kelen hodi tù no vistu ba lider ida ne’ebé ita hili tuir konsiénsia ida-idak nian, tanba ne’e ami sente ami nia votus ne’e la sekretu”, Nia dehan
Nia akresenta Tan, termolojia Husi linguajen Sira ne’ebé atende ema ho difisiénsia ne’e dala-barak husi organizasaun sira halo bei-beik ba advokasia, maibe atendimentu fisikais sira nian iha sentru votasaun la kondis ba ema ho difisiénsia sira, tanba linguajen ne’ebé fisikais sira uza soke tebes ema difisiénsia sira nia fuan.
Ami laran moras, bainhira iha tempu eleissun fisikais sira atende ho linguajen ne’ebé soke tebes ami nia fuan iha sentru votasaun, ho linguajen ne’ebé bolu dehan alejadu ne’e ha’u senti halo ami fuan moras, nu’udar ema difisiénsia fíziku reprezenta mós kolega difisiénsia sira hakarak husu governu iha futuru kria kondisaun dignu ba difisiénsia liu-liu iha eleisaun, no serimonia nasional sira,’’ defisiensia ne’e rekomenda.
Jornalista : Felipe soares
Editor : Agapito de Deus
