Lafaek News–Eletrisidade mate iha Munisípiu Lautém kuaje oras 24 husi tuku 3 loraik too fali tuku 3 madrugu segunda feira ohin (01/08/2022), kauja husi bateria sub estasaun Lospalos ne’ebé avaria afeita eletrisidadde iha Lautém tomak la lakan.
Tuir konfirmasaun balu ne’ebé lafaek news halo ho tékniku EDTL sub-estasaun Lospalos Joãozinho dos Santos informa, kauja husi eletrisidade mate totál iha Lautém tanba bateria ne’ebé fó enerjia hodi ahi kalan mak avaria.
Ohin ekipa husi dili too iha nee tuku 2 madrugada No hahu kedas servisu Ahi lakan norml fali iha jam 03: 50 madrugada ne’ebé ekipa lori gerador 3 phase husi dili no mai carega fali baterai hodi bele hamoris fali sistema más ba oin tenke troka bateria tanba át ona, informa Joãozinho
Bainhira lafaek news konfirma klean sobre difikuldade husi bateria EDTL ne’e tanba problema black out iha sentral Hera, tanba horiseik Circuit breaker (CB) uza ba voltajen ne’ebé boot (high voltage) 150kv, parte diresaun Hera-Manatuto mak CB trip ne’ebe halo ahi part leste kompostu husi Manatuto, Baucau, Vikeke ho Lospalos mate.
Liga ho failansu ne’e EDTL Lautém tenta rezolve kedan horikalan konsege normaliza hikas naroman eletrifikasaun, hanesan mos normalizadu sub-estasaun seluk hanesan Baucau, Vikeke no Manatuto.
Se kuandu iha tempu besik mak iha problema ka iha black out hanesan horseik posibilidadeeletrisidade Lospalos sei mate hanesan horseik fali no presija karega tan baterai hafoin hamoris fali sistema,’’nia hakotu.
Jornalista : CE. Lautém
Editor : Agapito de Deus
