Lafaek News-Xefe suku Bebonuk Serafin Maced, informa joven suku Bebonuk ba da-daun kuda ona amizade no paz iha ida-idak fuan realidade hatudu konflitus komesa reduz ba da-daun la hanesan tinan rua ba kotuk sempre mosu konfrontu entre entre grupu arte martial.
Suku Bebonuk agora konflitu menus teb-tebes tanba iha Bebonuk mos joven kria rasik seguransa ba sira nia suku laran rasik,’’katak Xefe suku Bebonuk Serafin Macedo ba lafaek news iha nia kna’ar fatin kuarta semana ne’e.
Nia dehan, Bebonuk ne’e foin harii suku iha 2017, no suku ne’e iha povoasaun lima kompostu husi aldeia Metin I ho nia populasaun 660, metin II ema hamutuk 355, metin III, uma kain 125, metin IV 717 no 20 de Setembru familia barak total 1.290.
Dadus ita simu cesta bazika USD 200 dlr foin lalais ne’e sesta bázika iha kedas 2.400 resin, tanba sira ne’ebe saláriu boot mos tama hotu ba sesta bázika kuaze barak liu tiha ida ne’ebe mak hetan USD 200, entaun ita haree tan agora aumenta tan familia bele hetan tan 2.500 ou bele mos aumenta tan 2.600,’’Serafin relata.
Hatutan, maibé fixa familia uza nafatin dadus anterior, entaun hanesan xefe suku tenke kontinua halo rejistu ba uma kain foun atu bele hetan direitu, maibé tanba aprova ba lista ne’ebé 2020-2021, sira ne’ebe familia foun rejistu hela sei prosesa oinsá bele hetan direitu husi governu.
Nia dehan, kona-ba situasaun iha Bebonuk haree husi karakter populasaun barak liu gosta halo konflitus entaun depois de Bebonuk akumula sai suku ida rezulta joven sira mak kria rasik seguransa ba iha bairu-laran rezultadu ohin loron populasaun sira hakmatek iha ambiente hakmatek.
Entaun konsege iha estrutura barak involve sira hotu entaun maske rezolve situasaun, ita bele redus situasaun balu ne’ebe mak durante iha Bebonuk sai bairu konflitu,’’nia hakotu.
Jornalista : Osias Eco
Editór : Agapito de Deus
