Lafaek News–Centru Nasional Chega (CNC),Segunda (27/06/2022) kontinua realiza atividade vizita sístus istóriku iha ámbitu selebrasaun loron aniversáriu Funsaun Públiku hodi fanun ema hotu atu rekonese no valoriza istória prosesu indenpendénsia Timor Leste.
Koordenadór seksaun Lao Tuir Ain Fatin, Elvino Bonaparte do Rego, esplika objetivu husi atividade ne’e atu fo hanoin fila-fali sidadaun hotu oinsá kontinua rekoñese istoria Timor Leste, tanba ho sira nia sofrimentu lubuk ida mak ohin loron povu Timor-Leste konkista nia independénsia ,
Objetivu husi atividade ne’e atu fanun ita hotu la’o ba oin, ita mos tenke hateke mos buat balu husi kotuk liu-liu ba iha sofrementu ne’ebe akontese, la’os ida ne’e atu hamosu ódiu vigansa, maibé hodi ba espasu ba buat ne’ebe ita hetan dadauk, la’o ba oin ne’e husi sofrimentu lubuk ida ke akontese ona, ho nune’e bainhira la’o ba oin hanoin mos ba ita nia povu, ita nia ema sira ne’ebé durante ne’e halo buat barak ba nasaun ida ne’e, tanba ne’e dezafia funsionáriu sira servisu labele hanoin de’it nia an, maibé servisu hanoin mos nia povu, katak Elvino Bonaparte do Rego ba jornalista sira iha CNC Balide Dili.
Elvino argumenta, atividade refere realiza de’it iha Centru Nasional Chega (CNC) razaun haree ba kbiit kapasidade komisaun organizadora, primeiru hahú uluk ho buat balun liga mos ba kbiit komisaun nia kapasidade.
Iha ne’e buat rua mak ita halo ida mai CNC, oinsá atu haree tuir ain fatin reoi sira nia ne’ebé CNC toma konta, ida seluk mak ami la’o tuir eroi sira nia ain fatin ne’ebé ne’e komisaun atual realiza hela ne’ebé responsavel husi ami nia duni hamutuk ho funsaun publika halo survei hela ne’e atu lao tuir ain-fatin Nicolao Lobato husi nia terus too nia mate fatin, maibé tuir kapasidade ne’e ita iha ho neneik garantia sei ba bebeik,’’katak Elvino.
Koordenadór seksaun dehan tan, istória la’os imporntante de’it ba funsionariu públiku, maibé im,portante ba sidadun hotu ho nune’e tempu badak nia laran sei konvida sidadun hotu mai vizita situs istóriku iha rai laran, oinsá juventude sira fo liman ba malu hodi transforma nasaun ida ne’e ba oin liu husi ezemplu ne’ebé eroi no eroina sira husik hela mai jerasaun ohin loron nian.
Iha parte seluk konvidadu Presidente Konsllho Ministru Diretora Nasional Aprovizionamentu Juleta de Sa, hateten nia parte triste no kontente mos bainhira akompaña video badak ne’ebe prepara husi komisaun organizadora oinsa bele re-lembra fali sofrimentu ne’ebé akontese iha tempu ne’eba.
Ohin ita hotu asisite filme ida ne’e, pessoalmente sente triste, sente kontente mos ho ita nia libertasaun ne’ebé ita ultrapasa ho sofrimentu oi-oin susar terus ho sentimentu ne’ebé klean asiste filmajen badak ne’ebe fo sai iha ne’e pesoalmente partisipa direta hodi ultrapasa iha momentu ne’eba 1998 1999, sente triste mos tanba diritamente akompania Sofrimentu hirak ne’ebé ita ultrapasa ho objetivu ne’ebé boot tebes oinsa povu Timor Leste, konkista nia independénsia hodi hetan liberdade goja nia direitu no dever nudar sidadaun ida,
Juleta hateten iha liberdade ne’e husu ema hotu konsiénsia atu kontribui ba nasaun ne’ebé hetan ona nia independénsia kaer metin nafatin prinsípiu ho espíritu patriotizmu no nasionalizmu ne’e forte nafatin hodi dezenvolve nasaun ne’e liu-liu ba bem estar povu nian,’’ katak Juleta de Sá.
Observasaun Lafaek News nota iha atividade selebrasaun aniversáriu ba Funsaun Públiku ne’e hetan partisipasaun husi reprezentante Ministériu Saúde (MS), Ministériu Assuntu Kombatentes Libertasaun Nasional (MACLN) Ministériu Agrikultura no Peskas (MAP) Ministériu Prezidente Konsellu Ministru (MPCM ) no Ministériu Kordenador Asuntu Ekonómikus (MCAE).
Estajiadu : Juliao Pacheco
Editór : Agapito de Deus
