Lafaek News–Prezidente Repúblika, José Ramos Horta deklara nia parte seidauk bele partisipa iha eventu internasional ho razaun foin simu tomada de posse, tan ne’e deside Kay Rala Xanana Gusmao reprezenta estadu Timor Leste ba Bruxelas.
José Ramos Horta hatoo asuntu ne’e relasiona ho komunikadu imprensa ne’ebé Jornalista asesu iha media ofisial CNRT loron kinta 16/06/2022 katak, Lider Karismatiku Kay Rala Xanana Gusmão viajen ba Bruxelas hodi atende Forum Loron Dezenvolvimentu Uniaun Europeia 2022 nian husi 18 – 22 Juñu, representa Prezidente Repúblika José Ramos Horta.
Iha eventu ida ne’e ha’u labele partisipa tanba primeiru foin mak simu posse, foin atu kompleta fulan ida, prioridade absoluta organizasaun iha Presidensia, knaar iha instituisaun ita forti, Segundu Situasaun polítika interna, terseiru baruk ona viajén international sira ne’e, kuartu areas ne’ebé importante maun boot Xanana bele halo “, esplika Prezidente Repúblika José Ramos Horta iha Aeroportu Internasional Nicolau Lobato hafoin akompania lider Karizmátiku Kay Rala Xanana Gusmão sexta (17/06/2022).
Tuir PR Horta, Karizmátiku Kay Rala Xanana Gusmão nu’udar lider nasionál, lider Mundial representa Timor-Leste ho autoridade ho kompetensia iha uniaun boot iha Bruxelas kona-ba dezenvolvementu, sei liu ba inglatera reuniaun seluk ida kona-ba fronteira terestre màritima ho advogadu sira , liu ba Portugal Simeira dos Oceanos, ne’e simeira ONU Portugal ho Cemia mak organiza ne’e mos area ne’ebé lider karismatiku Xanana domina 100%.
Tanba ne’e mak parseira ho maun boot, fatin balun ha’u labele ba ha’u husu maun boot representa lori estadu tomak nia naran”, dehan Xefi estadu Horta.
Jornalista : Rita Moniz
Editór : Agapito de Deus
