Lafaek News–Inan faluk Maria dos Santos idade 60, oin midar falun ho triste, maske modo tahan la foin, maibé vontade ho pasiénsia motiva inan faluk Maria la baruk lori nia produtu ba merkadu atu hetan netik osan rahun uituan sustenta moris no selu mós kréditu liu husi osan funan ba Banku BNCTL.
Jornalista Lafaek news koko nuka hatene kona-ba moris inan faluk Maria nian iha moris loro-loron, espresaun mai ho triste moris depende ba produsaun produtu lokal iha toos laran hafoin lori ba merkadu hodi hetan osan sustenta moris.
Ha’u hela ketak husi oan nain lima ne’ebé ha’u iha, atu buka moris ha’u fan modo iha ne’e, ha’u nia oan nain lima boot hotu ona no hola mane no hola feto ona, ha’u simu osan idosos nian maibe osan balu ha’u hare ba kultura nian no balu ha’u uja ba nesesidade sira, ha’u ema bagia no ha’u nia laen Balibó maibé ami hela iha Lospalos klur ona ha’u nia laen mate iha 1999 estelasu mak kona mate seidauk hetan mós osan kombatentes nian, ha’u la defende ba ida ne’e ha’u kontinua fan modo ba ha’u nia nesesidade no ba lia mate no lia moris ne’ebé kultura nian,” katak inan faluk Maria dos Santos.
Iha entrevista ho Lafaek News, Maria dehan, rezultadu husi modo tahan ne’ebé kuda iha toos laran, tenke lori ba merkadu fan ho pasiénsia hafoin bele hetan osan uituan, sustenta nesesidade uma laran no sustenta mos oan sira nia eskola.
Ha’u fan modo ne’e mak dudu ha’u nia oan sira ba eskola sira remata hotu SMA, maibé atu ba universidade labele ona, tanba ne’e sira balu hola feto no hola mane ona, ha’u fan modo iha ne’e sorte di’ak too netik $.5, la’e laiha liu, tanba sasán hotu folin sa’e, ha’u nia modo fan iha ne’e ladún folin, modo sira ne’e ami hola haknauk husi vendedor Baukau sira no ita nia maluk sira iha Lospalos ne’e, nia problema mós modo Baukau mós ema fan barak iha ne’e entaun ami nian modo ladún folin,” katak faluk ne’e.
Maria Hateten husi osan sira ne’ebé nia fan modo ne’e atu seluk mós kréditu husi banku ne’ebé foti $.500 tenke selu kada semana hatama $.50 ba banku, tanba ne’e servisu makas fahe balu ba banku no fahe balu ba nesesidade.
Entertantu tuir obserbasaun lafaek news iha merkadu tradisionál Lospalos kuaze vendedor sira fan modo lori osan kréditu husi banku hanesan kaibauk no BNCTL hodi halo negósiu hodi responde nesesidade uma laran no investe ba oan sira nia futuru.
Jornalista : CE.Lautém
Editor : Agapito de Deus
