Lafaek News–Dili 23 Maiu 2022, Delegasaun Prezidensiál Estadus Unidos Amérika hato’o parabéns husi Prezidente José R. Biden Jr. ba Prezidente José Ramos-Horta no povu Timor-Leste durante vizita ida mai Dili iha loron 20 Maiu no delegasaun hato’o kompromisu Estadus Unidus nian hodi garante orsamentu millaun $420 ba programa Compact MCC.
delegasaun EUA ne’e lidera husi exelénsia Alice P. Albright, Diretora Ezekutiva Millennium Challenge Corporation (MCC), Delegasaun Prezidensial EUA nian inklui Thomas Daley, Enkaregadu Negósiu Embaixada EUA, exelénsia Paloma Adams-Allen, Adjuntu Administradór, Ajénsia Estadus Unidus ba Dezenvolvimentu Internasionál – USAID; no Exélensia Curtis Ried, Asistente Espesiál ba Prezidente EUA no Diretór Seniór ba Asuntu Multilaterál, Konsellu Seguransa Nasionál.
Lori Estadus Unidus nia naran, ha ‘u hakarak kongratula Sua Exelénsia José Ramos-Horta ne’ ebé simu pose nu ‘udar Prezidente Timor-Leste nian,” hateten Alice P. Albright, Xefe Delegasaun Prezidente Estadus Unidus no Administradór MCC. “Ha’ u mós hakarak hato ‘o ha’ u-nia parabéns boot ba povu Timor-Leste iha aniversáriu Restaurasaun Independénsia ba dala 20. Iha dékada rua ikus ne ‘e nia laran, Timor-Leste harii ona demokrasia ida ne’ ebé vibrante, reziliente no ohin loron, sai hanesan ezemplu demokrasia nian ida ba rejiaun ne’e no mundu.”
Iha enkontru ida ho Primeiru Ministru Taur Matan Ruak, delegasaun ne ‘e mós sublinha komitmentu EUA nian atu formaliza programa MCC millaun $420 iha 2022. Programa Compact ne’e sei sai hanesan kontribuisaun bo’ot liu husi Estadus Unidus ba dezenvolvimentu nian iha istória relasaun bilaterál entre EUA no Timor-Leste. Atu fornese investimentu transformadora ida iha setór bee no edukasaun Timor-Leste nian, programa Compak ne’e dezeña atu hadi’a saúde no abilidade Timoroan sira nian no kontribui ba Timor-Leste nia dezenvolviment no prosperidade. Aleinde ne’e, delegasaun ne’ e reafirma tan apoiu Estadus Unidus nian ba Timor-Leste nia prioridade dezenvolvimentu liu husi Ajénsia Estadus Unidus ba Dezenvolvimentu Internasionál – USAID, Korpu ba Paz no Departamentu Agrikultura Estadus Unidus nia programa McGovern-Dole.
Parseria entre MCC no Governu Timor-Leste sei salva labarik sira-nia moris tanba kualidade bee ne’ebé di’ak liu husi investimentu bee, saneamentu, no drenajen iha Dili no liuhusi fornesimentu bee ba rezidente 429,000 iha Dili no ema hamutuk 64,000 ne’ebé hela iha área sira ne’ebé besik Dili. Liuhusi projetu TALENT Teaching and Leading the Next Generation of Timorese), kompaktu ne’e sei hasa ‘e abilidade pedagójiku no lideransa profesór no diretór eskola sira nian, hodi fó benefísiu liu ba estudante Timoroan liu 957,000, inklui alunu ensinu sekundáriu sira.
EUA-TL
