Lafaek News–Instituisaun Edukativa Cristal-Fundação Cristal realiza sertame atu hamanas maklotan sira nia kakutak no aumenta estudante nia mentalidade oinsa ko’alia iha fatin públiku.
Abertura ba sertame ne’e loke husi Prezidente Ezekutivu Fundasaun Cristal (PEFC), Agostinho dos Santos Gonçalves sertame intra-eskolar 2022, iha salaun Cristal Balide Dili, Kinta 19/05/2022, ho intensaun atu loke kakutak estudantes Cristal bele halo diskursu iha públiku.
Atividade Sertame nee importante tanba bele kadi estudante sira nia kakutak, Buat ne’ebé ita hatene tenke tau iha pratika iha publiku no matenek ne’ebé imi iha tenke sosializa ba ema hotu rona no aprende husi ita nee mak diak liu,” Prezidente Ezekutivu Agostinho esplika.
Prezidente Ezekutivu Fundasaun Cristal Agostinho husu ba estudantes tenke tau importánsia ba malu, tanba kompetisaun ne’e importante karik manan kontinua aprende, maibé karik lakon mos labele lakon vontade tanke hakaas aan aprende nafatin.
Sertame ida nee Instituisaun Edukativa Cristal-Fundação Cristal realiza hodi festeza loron Independensia 20 de maio, Festa Na’in Feto Ausiliadora dos Cristaun no mos festeza loron aniversauriu Cristal nian neebe sei realiza iha loron 06 fulan Juñu,” Agostinho deklara.
Tuir dados ne’ebé Lafaek News asesu husi komisaun Organizador total eskola ne’ebé envolve iha sertame intra-eskolar 2022 hamutuk 25 no grupu 78 ne’ebé kompustu husi Ensinu Basico 1°, 2°, 3° Ciclo no mos ensino Sekundariu sira iha Dili laran.
Jornalista : Orlando Magno
Editor : Agapito de Deus
