Lafaek News (Lautém)- Komandante Polísia Nasional Timor Leste (PNTL), Sup. Polísia, António Rego Fernandees, informa relasiona ho mane ida tara an iha Com Lautém deskonfia matebian nia aman rasik maka baku mate hafoin lori ba tara fali iha ai-leten.
Kronolojia husi akontesimentu ne’e, akontese iha loron 13 fulan Maiu 2022, iha tuku 16 lokraik, iha Lohomatun aldeia Acalopon suku Com postu administrativu Lautem munisípiu Lautem, bainhira nia aman rasik haruka nia oan (matebian) atu harii bandeira rin hodi hasa’e bandeira RDTL relasiona ho 20 de Maiu 2022, maibé matebian lakohi halo tuir saida mak nia aman (suspeitu) haruka, nune’e matebian nia aman baku vítima too mate fatin hodi lori ba tara fali iha Com katak matebian mak tara-an.
Akontesimentu ne’e deskomfia aman rasik mak baku mate oan, hafoin tara ba fali hodi dehan tara an ne’e, akontese iha loron 13 fulan Maiu semana kotuk iha tuku haat loraik kazu omesidu ne’e deskonfia involve direta husi aman hodi oho oan rasik, iha rai ida naran Lohomatun, Acalopon suku Com,’’informa Sup. polísia António.
Nia relata, vítima ne’ebé oho hosi suspeitu ho inisial DDS (aman rasik) nia idade 54, vítima naran Guenius da Silva ho idade 15, kazu ne’e akontese iha loron 13 fulan Maiu 2022, iha Acalokon aldeia Lohomatun suku Com postu Administrativu Lautem, suspeitu (aman rasik) halo ona auto aprensaun lori kedan ba Ministériu públiku hodi submete primeiru interrogatóriu iha Tribunal Distrital Baukau.
Ita nia polísia eskuadra Lautém simu informasaun katak labarik ida tara-an iha nia knua iha parte Lohomatun nian, dia 14 liu ba ita nia investigador hamutuk ho eskuadra Lautém, too iha fatin akontesimentu suspeitu intrega kedas nia an ba polísia halo kedas ezaminasaun esternal, ita halo konkluzaun katak joven ne’ebé tara-an iha mós pankada balu husi nia isin lolon, entaun deskonfia nian aman rasik mak oho,” komandante PNTL Lautém ne’e informa.
Hodi dehan, kazu ne’e ninia prosesu entrega ona ba Ministériu Públiku, no matebian tinan 15 Guenios da Costa lori kedas ba Hospital Nasionál Guido Valadares (HNGV) hodi halo autopsia, ohin loron mate isin lori fila ona mai Lospalos hodi halot tuir tradisaun,
Agora dadaun polísia asegura mós matebian nia inan no nia amaun alin sira iha uma mahon hodi hein prosesu ba oin, deskomfia tuir motivu akontesimentu katak matebian Guenius nia aman haruka halo fatin hasa’e Bandeira ba loron 20 de Maio nian, maibé nia oan lakohi hodi halo agresaun fíziku rejulta oan mate fatin,’’ António Rego Fernandes hakotu.
Jornalista : CE. Lautém
Editor : Agapito de Deus
