Lafaek News-(Baukau)-Agrikultor Dainel da Silva Boavida, hateten iha era globalizasaun ida agora lori joven feto ho mane inklui inan-aman sira komesa hadook an ona husi toos ho natar, toos ho natar mak Timor Leste nia baze sobernia alimentar.
Daniel hatene katak númeru dezempregu iha Timor Leste aumenta ba bei-beik, joven Timor-oan sira deside halai ba servisu iha diáspora hodi haruka osan mai família iha Timor sustenta nesesidade moris, iha vantajen di’ak ba ekonomia uma laran, maibé la hafanu Timor atu harii mesak indústria hodi diminui dezempregu.
Dala barak iha komprensaun publiku katak servisu mak funsionárius publiku sira ne’ebe simu osan fulan-fulan diferente tannba tuur iha eskritóriu laran loro-loron hateke malu ho kompputador too fulan ida simu salariu, maibé ema sira ne’ebé moris iha agrikultor ne’e mos servisu ida, so diferente servisu iha ase laran ho servisu iha loro manas laran, maibe servisu iha loron manas laran maske servisu hanesan atan, maibe han hanesan liurai, ema sira ne’ebe servisu iha ase laran servisu hanesan liurai dala ruma han mos hanesan ema atan.
Agora udan ami kuda tomate, udan estraga ami nia tomate ami rega ho Ai-moruk kurakron no ai-moruk ami ba hola iha merkadu folin $.12 kuda tiha hanesan ne’e boot ba da-daun rega tan ai-moruk ba, maibe pestis kona mak ami foin rega ai-moruk ba, bainhira haree normal labele rega, baihira udan tau hanesan ne’e pestis kona entaun ami rega ai-moruk kurakron ne’e ba hodi oho pestis labele han tomate tahan,” dehan Nia
Situasaun hirak ne’e, motiva Daiel nia hanoin ho desizaun oin seluk, di’ak liu servisu iha nia rain, duke ba servisu iha ema rain no hadau malu funsionariu publiku, halo toos laiha ema ida mak manda, servisu kole tuur, laiha presaun, maske servisu hanesan atan, maibe han mos hanesan ema liur, duke servisu hanesan liurai han loro-loron tenke deve husi kios.
Ami ba faan Tomante la’os kada loron, maibé merkadu nia tempu mak ami lori ba faan hanesan loron kinta ho domingu, loron bain-leet ami la ba faan, molok ami atu lori ba faan ami sei kuu hili tuir tomate ida kualidade depois tau iha balde kunci mas hafoin lori ba merkadu,”dehan nia
Nia hatutan, bainhira lori ba faan hanesan agora ne’e tempu folin entau balde kunci mas ida $.20 ba leten, kundu tempu tomate la folin no ema barak mak faan dalaruma kunci mas $.5 de’it, hanesan ne’e agora ema barak mak kuda tomate impaktu ba iha merkadu mak ladun iha valor folin.
Daniel haktuir bainhira lori ba merkadu mak ema la sosa, pasiensia fan baratu de’it ona ho presu balde kunci mas $.100, dala ruma tomate barak loos iha merkadu ema ladun sosa dalan seluk mak tenke fahe de’it ba familia sira hodi evita estragus.
mi lori ba merkadu mak la folin ou pasiénsia ami faan $.100 ou ema la hola ami fo de’it ba ema balun, no balu lori fali mai uma, tempu mak la hanesan, kuandu folin osan hirak ne’e sosa fali foos sustenta familia osan balun tenke rai rezerva alin sira nia eskola,” dehan nia
Daniel dehan, servisu hanesan agrikultor maske todan no halo atividade iha loron manas no udan laran, maibé laiha patraun ida mak manda, servisu too sente kole tuur uituan lai, sente laran kmaan kontinua servisu, rezultadu ikus goza duni ho kosar-ben, duke ba servisu funsionáriu xefe sira manda tun sa’e, salariu mos kiik no hakiak fali deve entaun osan fulan selu mak deve ho kios at liu tan lia fetosa umane mosu iha fulan klaran pasiénsia mak tenke ba deve.
Ha’u husu ba maluk joven sira ne’ebé eskola matenek iha agrikultura diak liu fila ba servisu ho inan-aman agrikultor sira hodi prátika ita boot sira nia matenek ne’ebé aprende husi universidade, se ita hotu hakarak hein de’it vaga governu ita labele kore an husi produtu esportasaun, ita nia rain ne’e potensia atu produs produtu lokal, se la’e tomate teb-tebes mos ita hein esportasaun,’’ Daniel enkoraza.
Jornalista : Ana Romana
Editor : Agapito de Deus
