Lafaek News–Estudante Univesidade Oriental Timor Loro sa’e (UNITAL), Departamentu Komunikasaun Sosial, Nelia Maria Fátima, sente lamentavel ho lixu ne’ebé nabutuk too dois no fo imajen la diak ba areadores universidade.
Lixu hirak ne’ebé namkari iha universidade tanba dala-barak estudante sira laiha konsiénsia hodi soe nafatin foer arbiru bele fo imagen ne’ebe ladi’ak ba universidade,’’ dehan Nelia Maria Fátima ba Lafaek News iha UNITAL, Kuarta (11/05/2022).
Estudante departamentu komunikasaun ne’e fo hanoin ba mauk estudante universidade refere atu iha konsiénsia bainhira soe lixu, tenke tau iha fatin ne’ebé universidade preparadu.
Sira preokupa ho fatin lixu iha resintu universidade UNITAL, maibé estudante balun sei nafatin laiha konsiénsia hodi la soe foer iha lixu, tanba ne’e lixu nafatin soe namkari iha areador universidade nian,’’ nia akresenta.
Hatan preukupasaun ne’e, Vise Reitor Asunto Administrasaun Financas UNITAL, Arlindo do Céu Fátima, resposta katak prosesu kona-ba lixu iha alternative rua ida mak lixu ne’ebé diretamente husi antureza no seluk ema rasik mak soe tanba laiha konsiénsia.
Ita haree husi arternativu rua, ida mak lixu ida ne’ebé diretamenta husi natureza mak haruka mai ne’e mak ita bolu hanesan ai-tahan ne’ebe monu arbiru ne’e ida mak ema pesoal ne’ebe laiha konsiénsia hodi soe foer tun sae,’’ vise reitor ne’e sublina.
Tuir nia katak, iha areadór universidade dezde uluk too ohin estabelese ona fatin lixu hanesan tau bidon ho balde iha kada fakuldade atu konserva lixu no evita soe namkari iha universidade oin, maibé realmente estudantes sira la kumpre hodi soe lixu tuir sira nia gostu.
Uluk too agora ita tau lixu fatin hanesan bidon ho balde hirak ne’ebe mak parte universidade tau ona iha kada fakuldade nia oin atu nune’e estudante sira hemu buat ruma karik soe iha laran, realidade estudante sira laiha konsiénsia hodi nafatin soe foer sira la tuir fatin,’’ nia dehan.
Vise reitor husu estudante universidade UNITAL tomak atu respeita ambiente, labele lekar lixu arbiru, tenke iha konsiénsia atu rai lixu iha nia fatin nue’e evita ambiente foer iha universidade nia oin.
Sai hanesan prekupasaun ba ita hotu, oinsá ita bele kria konsiénsia ida ba ita nia Timor-ona sira liu-liu estudante sira ne’ebe iha nivel akadémiku atu bele dehan han rabisadu ida karik nia kulit tau iha bolsu ba soe iha fatin lixu,’’ Arlindo hakotu.
Estajiáriu UNITAL : Vascolino Germano
Editor : Agapito de Deus
