Lafaek News–Oxfam TL kopera ho Média online Lafaek news.com hodi organiza Media tour ne’ebé akumula Jornalista hamutuk nain 10 ho objectivu atu halo kobertura atividade agrikultura ba munisípiu 2 atu hato’o ba Governu bele tau importansia ba setór agrikultura.
Liuhosi esforsu ne’e atu nafatin fó hatene ba Governu katak, importante duni Governu tenke invested iha sertór agrikultura no setór produtivu sira seluk. Ho biban Ida ne’e Oxfam servisu hamutuk ho Lafaek News no instituisaun media sira seluk hamutuk sanolu resin hodi halo programa média tour ne’e,” dehan jerente ba programa influénsia no advokasia Oxfam, Adilsonio da Costa liu hosi komunikadu imprensa, iha edifisiu Oxfam, Hudi laran, Tersa (10/05/2022).
Oxfam Timor-Leste liuhosi projetu hadalan ne’ebé finansia hosi governu Austrália no governasaun ba dezenvolvimentu (GFD). Projetu hadalan hanesan projetu ne’ebé apoiu grupu oioin kompostu Grupu agrikultura, grupu ho defisiénsia, grupo joven no apoiu Jornalista sira.
Iha projetu ne’ebé Oxfam servisu hamutuk ho Jornalista sira oinsá atu habelar liután informasaun liga ho servisu agrikulturanian iha baze, programa média tour ne’e ho objetivu atu esplora informasaun liga ho aktividade agrikultura nian ne’ebé durante ne’e Maluk agrikultór sira halo iha baze no oinsá atu utiliza informasaun sira ne’e hodi fó hanoin ba polítiku na’in sira hodi foti inisiativa apoiu atividade agrikultura, hanesan natar, toos no aktividade sira seluk iha baze, liu-liu problema ne’ebé liga ho estrada, irigasaun no bee mos hodi fasilita agrikultór sira hasa’e produtividade alimentár.
Ami hanoin katak, média tour ne’ebé ohin ita Lansa hamutuk, Jornalista sira sei aranka ba munisípiu rua mak haneasan Baucau no Ainaro hodi diretamente Ko’alia ho grupu agrikultór ne’ebé kompostu hosi grupu Joven, grupu feto no grupu defisiensia hodi Lori sira Nia hanoin ba públiku no governante sira hodi iha OJE 2023 bele investe makaas iha setór agrikultura,” hakotu nia
Jornalista : Felisberto Fernandes
Editor : Agapito de Dus
