Lafaek News–Konsellu Imprensa planea tempu besik sei halo Balibo sai sidade liberdade no mos sei konstrui jardin Liberdade Lmprensa iha merkadu lama hodi mantein avenidade liberdade imprensa husi Merkadu Lama too Bekora.
Lia hirak ne’e hatoo husi diretor ezekutivu Konsellu Imprensa, Rigoberto Monteiro liu husi ninia intervensaun iha serimonia loron mundial liberdade Imprensa iha salaun Delta Nova Komoro Dili, 03/05/2022.
Tinan ida ne’e konsellu imprensa prepara konseitu ida kona-ba Balibo sai sidade ba Liberdade no mos harii Jardin liberdade Imprensa iha Merkadu Lama atu memoriza partisipasaun media nian iha luta libertasaun,” Diretor Rigoberto esplika.
Diretor Ezekutivu KI Rigoberto informa, orsida KI lori nota hirak ne’e aprezenta ba ministériu relevante atu haree oinsá governu dekreta lei revolusaun atu deside Balibo sai sidade Liberdade tanba Iha sikuénsia istória barak.https://lafaeknews.tl/hakarak-hatene-barak-lao-neineik-laos-halai-lalais/
Nia afirma, Konseitu seluk, iha rotunda avo Xavi KI hato’o proposta ba governu ba espasu ne’ebé besik estasaun polísia merkadu lama, tanba ne’e Konsellu Imprensa hamutuk ho parseria Centru Nasional Chega (CNC), hodi konstrui Jardin ba Liberdade Imprensa no liberdade Espresaun
Kona-ba jardin no avenida liberdade imprensa tinan hirak liu ba ita deside Avenida liberdade imprensa hahu husi Merkadu Lama too ponte Bekora depois governu habadak too fali iha ponte Kuluhun, tanba jornalista sira mate iha diresaun ida ne’e istória naruk,” Rigoberto argumenta.
Rigoberto fundamenta, iha nota ida, ko’alia kona-ba 16 Outubru hanesan loron nasional ba liberdade imprensa KI sei entrega mos nota ida nee ba Ministériu Assuntu Parlamentár no Komunikasaun Sosiál (MAPKOMS), ho Ministériu Administrasaun Estatál (MAE)l hodi enkamina ba Parlamentu Nasional atu deside loron 16 Outubru hanesan loron nasional.
Konsellu Imprensa Hakarak 16 Outobru iha nota konseitu sai loron nasional tanba iha sikuensia barak hanesan trajedia iha Balibo no iha fatin seluk,” Nia esplika.
Jornalista : Orlando Magno
Editor : Agapito de Deus
