Lafaek News–Matebian Valdo Sila husi Rejiaun Administrativa Espesial Oe-kuse Ameno Oe-kusse, mate tanba tara an, maibe sei misterius husi fukun mate ho modelu tara an.
Rejidénsia atual Matebian Valdo Sila hela hamutuk ho nia kaben iha ne’ebe foin forma uma kain fulan 4 hela iha merkadu Taibesi, Valdo ema ida ne’ebe di’ak, maibe ohin kuarta (20/04/22), rona novidade katak mate ho tara an.
Iha dader madrugada matebian hakfodak husi toba fatin mosu kedan hanoin seluk, karik matebian hanoin loron kuarta (20/04/22) nu’udar loron ida krusial ba nia atu la lakohi haree no sente tan loron tuir mai, hakotu an ho tali fiu lotuk kesi iha ai-leten no hatama tali-matan iha hakorok hodi haksoit tun ba rai, tali matan hakas iha kakorok too iis mohu lakon.
Valdo iha maun feton hamutuk 7, hamutuk sira nain 8, maske nune’e seidauk hatene motivu fundamental kona-ba mate tara an ne’e, maibe parte polisia FORENSIK tuun ona iha fatin akontesimentu hodi identifika foti dadus atu bele halo investigasaun hodi bele hatene motivu lolos husi Valdo Sila nia mate.
Iha fatin akontesimentu jornalista Lafaek News tenta atu halo konfirmasaun kona-ba kronolojia ba akontesimentu ne’e maibe familia seidauk fo komentariu tanba nakonu hela ho sentimentu tristeza.
Observasaun jornalista iha terenu nota katak, hafoin halo identifikasaun iha fatin akontesimentu polisia forensik tula kedas ba kareta hodi transporta ba iha Ospitál Nasionál Guido Valadares hodi submete ba prosesu otopsia.
Jornalista : Orlando Magno
Editor : Agapito de Deus
