Lafaek News–Prezidente Partidu CNRT Kay Rala Xanana Gusmão hatoo mensajen liu husi sekretriu jeral Partidu CNRT Francisco Kalbuadi Lay katak hakuak boot no parabens ba populasaun tomak iha munisípiu Likisá ne’ebé fo votus ba kandidatu Prezidente Repúblika José Ramos Horta rihun 20 liu.
Ha’u foin simu mensajen ida husi maun domin maun Kay Rala Xanana Gusmão katak, favor sekretariu jeral hatoo ha’u nia parabens ba povu Likisá ne’ebé fo votus ba ita nia kandidatu prezidente repúblika Ramos Horta votus rihun 20 resinn,’’ katak Sekretariu jeral partidu CNRT, Francisco Kalbuadi Lay iha diálogu ho koofrdenadores partidos hotu ne’ebé apoiu kandidatu númeru 1 iha Likisá, domingo (03/04/22).
Kalbuadi haktuir iha diálogu refere, lider karizmátiku Kay Rala Xanana Gusmao hatoo parabens super espesial ba povu tomak iha Timor Leste inklui iha diáspora, ne’ebé manifesta apoiu votus ba kandidatu Prezidente Repúblika José Ramos Horta ho votus rihun 3 resin iha eleisaun ronde dahuluk.
Mensajen maun boot Kay Rala Xanana Gusão katak, ha’u laiha imi leet, tanba ha’u halo hela ha’u nia kna’ar iha Oe-kusse, maibé ha’u nia domin ba imi laiha rohan,’’ mensajen Xanana Gusmão hatoo liu husi SekJen CNRT Francisco Kalbuadi Lay.
Iha diskursu sekretariu jerál partidu CNRT Francisco Kalbuadi Lay hatoo grande apresiasaun ba partidus polítikus kompostu PD, Frente-Mudanca, PST, PUDD, PDRT, PDC, ASDT no PSD ne’ebé ho esforsu tomak apoiu kandidatu prezidente repúblika José Ramos Horta komesa husi eleisaun primeira ronde no kontinua kedan ba segundu volta.
Ha’u admira tebes prezidente PD maun Assanami ko’alia barak tebes ne’ebé nakonu ho valor, ha’u nia apresiasaun boot ba partidu polítkus hotu ne’ebé hamutuk ho CNRT apoiu kandidatu prezidente repúblika José Ramos Horta husi ronde dahuluk too ohin ronde daruak, ita hotu esforsu atu lori maun Ramos Horta ba Aitarak Laran iha eleisaun loron 19 Abril ne’e,’’ Kalbuadi hakotu.
Jornalista : Agapito de Deus
Editor : Acacio Pinto
